மூன்று கெட்டப்புகளில் நடிக்கும் நடிகர் ரவி…. எந்த படத்தில் தெரியுமா?

நடிகர் ரவி மூன்று கெட்டப்புகளில் நடிப்பதாக தகவல் கிடைத்துள்ளது.

தமிழ் சினிமாவில் முன்னணி நடிகர்களில் ஒருவராக வலம் வருபவர் நடிகர் ரவி. இவர் பல வெற்றி படங்களை கொடுத்திருக்கிறார். கடைசியாக இவரது நடிப்பில் காதலிக்க நேரமில்லை திரைப்படம் வெளியானது. அதைத்தொடர்ந்து இவர் சிவகார்த்திகேயன் நடிப்பில் உருவாகி வரும் பராசக்தி திரைப்படத்தில் வில்லனாக நடித்து வருகிறார். இது தவிர டாடா படத்தின் இயக்குனர் கணேஷ் கே பாபு இயக்கத்தில் தனது 34 ஆவது படத்தில் நடித்து வருகிறார் ரவி. ஸ்கிரீன் சீன் மீடியா நிறுவனம் தயாரிக்கும் இந்த படத்திற்கு கராத்தே பாபு என்று தலைப்பு வைக்கப்பட்டிருக்கிறது. இந்த படத்தில் ரவியுடன் இணைந்து தவ்தி ஜிவால், பிரதீப் ஆண்டனி ஆகியோர் முக்கிய கதாபாத்திரங்களில் நடிக்கின்றனர். அரசியல் சம்பந்தமான கதைக்களத்தில் உருவாகும் இந்த படத்தின் டைட்டில் டீசர் ஏற்கனவே வெளியாகி இணையத்தில் வைரலாகி வந்தது. அதேசமயம் இந்த படத்தின் படப்பிடிப்புகளும் பூஜையுடன் தொடங்கப்பட்டு விறுவிறுப்பாக நடைபெற்று வருகின்றன. இந்தப் படத்தில் தான் நடிகர் ரவி, மூன்று கெட்டப்புகளில் நடிக்கிறாராம். அதாவது ஏற்கனவே வெளியான தகவலின் படி, இந்த படத்தின் சில முக்கிய காட்சிகளுக்காக நடிகர் ரவி கிட்டத்தட்ட 12 கிலோ வரைக்கும் தனது உடல் எடையை குறைத்திருப்பதாக சொல்லப்படுகிறது. இந்த தகவல் படத்தின் மீதான எதிர்பார்ப்பை அதிகப்படுத்தி இருக்கிறது. இனிவரும் நாட்களில் மற்ற அப்டேட்டுகள் வெளியாகும் என எதிர்பார்க்கப்படுகிறது.