அரசியலில் விஜய்யுடன் நிற்க தயார்… பிரபல நடிகர் நெகிழ்ச்சி…

தமிழ் சினிமாவில் உச்ச நட்சத்திரங்களாக உயர்ந்தவர்கள் சினிமாவைத் தாண்டி அரசியலிலும் நுழைந்து கட்சிகளை தொடங்குகின்றனர். எம்.ஜி.ஆர்., ஜெயலலிதா, விஜயகாந்த் ஆகியோர் வரிசையில் தற்போது நடிகர் விஜய்யும் இணைந்துள்ளார். அவர் பல நாட்களாக அரசியலுக்கு வருவதாக தகவல் தீயாய் பரவிக் கொண்டிருந்த நேரத்தில், அண்மையில் அரசியல் கட்சியை தொடங்கி இருப்பதாக அறிவிப்பு வெளியானது. இக்கட்சிக்கு தமிழக வெற்றி கழகம் என்று பெயர் வைத்து அறிவித்தார். இதனால் விஜய் ரசிகர்கள் அனைவரும் உற்சாகத்தில் இருந்தனர்.

இதனிடையே வெங்கட் பிரபு இயக்கத்திலும் விஜய் நடித்து வருகிறார். கோட் என்று தலைப்பு வைக்கப்பட்டுள்ள இப்படத்தில் பெரும் நட்சத்திர பட்டாளமே நடிக்கிறது. இப்படத்தின் படப்பிடிப்பு கடந்த ஆண்டு தொடங்கி விறுவிறுப்பாக நடைபெற்று வருகிறது. இதையடுத்து விஜய் 69-வது படத்திலும் நடிக்கிறார். இப்படத்தின் அறிவிப்பு விரைவில் வெளியாக உள்ளது. இதுதான் விஜய் நடிக்கும் இறுதி திரைப்படம் என்றும் கூறப்படுகிறது.

இந்நிலையில், விஜய் அரசியலுக்கு வந்தது தொடர்பாக பலரும் தங்களின் கருத்துகளை தெரிவித்து வருகின்றனர். அந்த வகையில் நடிகரும், இயக்குநருமான சமுத்திரக்கனியிடம் விஜயயின் அரசியல் வருகை குறித்து கேள்வி எழுப்பப்பட்டது. அதற்கு பதில் அளித்த சமுத்திரக்கனி, விஜய் அரசியலுக்கு வருவது மிகவும் மகிழ்ச்சியான செய்தி எனவும், தேவைப்பட்டால் அவருடன் நிற்கவும் தயார் எனவும் கூறியிருக்கிறார்.