நடிகர் சிம்பு, டிராகன் படம் குறித்து பதிவு ஒன்றினை வெளியிட்டுள்ளார்.
பிரதீப் ரங்கநாதன் நடிப்பில் உருவாகி இருக்கும் திரைப்படம் தான் டிராகன். இந்த படத்தை ஓ மை கடவுளே படத்தின் இயக்குனர் அஸ்வத் மாரிமுத்து இயக்கியுள்ளார். ஏஜிஎஸ் நிறுவனம் இந்த படத்தை தயாரிக்க லியோன் ஜேம்ஸ் இதற்கு இசையமைத்திருக்கிறார். இந்த படத்தில் பிரதீப் ரங்கநாதன் உடன் இணைந்து அனுபமா பரமேஸ்வரன், கயடு லோஹர், மிஷ்கின், கௌதம் மேனன் மற்றும் பலர் நடித்திருக்கின்றனர். இந்தப் படம் நாளை (பிப்ரவரி 21) திரைக்கு வர முழு வீச்சில் தயாராகி வருகிறது. அதன்படி அதற்கான ஏற்பாடுகளும் விறுவிறுப்பாக நடைபெற்று வருகின்றன. ‘லவ் டுடே’ படத்தின் மாபெரும் வெற்றிக்குப் பிறகு பிரதீப் ரங்கநாதன் ஹீரோவாக நடித்துள்ள இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது.
#Dragon – BLOCKBUSTER 🐉🔥@Dir_Ashwath @pradeeponelife @anupamahere @11Lohar @leon_james @nikethbommi @PradeepERagav @archanakalpathi @aishkalpathi @Ags_production
— Silambarasan TR (@SilambarasanTR_) February 20, 2025
மேலும் அஸ்வத் மாரிமுத்து ‘ஓ மை கடவுளே’ படத்திற்கு பின்னர் எந்த மாதிரியான படத்தை எடுத்திருக்கிறார் என்பதை காணவும் ரசிகர்களுடன் ஆவலுடன் காத்துக் கொண்டிருக்கின்றனர். இந்நிலையில் நடிகர் சிம்பு தனது சமூக வலைதள பக்கத்தில், “டிராகன் – பிளாக்பஸ்டர்” என்று குறிப்பிட்டு பதிவு ஒன்றினை வெளியிட்டுள்ளார். இந்த பதிவு ரசிகர்களின் கவனம் ஈர்த்துள்ளது.