திரையரங்கிற்கு சர்ப்பரைஸ் விசீட் அடித்த நடிகர் விக்ரம், மாலை அணிவித்து பிரம்மாண்ட வரவேற்பு
தங்கலான் திரைப்படம் பார்த்துக் கொண்டிருந்த ரசிகர்களுக்கு இன்பதிர்ச்சி கொடுக்கும் வகையில் திரையரங்கிற்கு சர்ப்பரைஸ் விசீட் அடித்த நடிகர் விக்ரம், இயக்குநர் பா.ரஞ்சித்
இயக்குநர் பா.ரஞ்சித் இயக்கத்தில் நடிகர் விக்ரம், நடிகைகள் பார்வதி, மாளவிகா மோகனன் ஆகியோர் நடிப்பில் உருவான தங்கலான் திரைப்படம் கடந்த 15ஆம் தேதி உலகம் முழுவதும் 2000 திரையரங்குகளில் வெளியானது. இத்திரைப்படத்திற்கு ரசிகர்கள் மத்தியில் அமோக வரவேற்பு கிடைத்த நிலையில், படத்தில் விக்ரமின் தோற்றமும்,நடிப்பும் பரவலாக பேசப்பட்டது.
கலைஞர் நூற்றாண்டு ரூ.100 நாணயத்தை வெளியிட்டார் மத்திய அமைச்சர் ராஜ்நாத் சிங்!
இந்நிலையில் இன்று(18.08.2024) சென்னை பாடியில் அமைந்துள்ள கிரீன் சினிமாஸ் திரையரங்கில் தங்கலான் பட இரவு காட்சி திரையிடப்பட்டது. அப்போது ரசிகர்களுக்கு இன்ப அதிர்ச்சி கொடுக்கும் வகையில், திரையரங்கிற்கு நடிகர் விக்ரமும், இயக்குநர் பா.ரஞ்சித்தும் வருகை தந்தனர். படத்தின் இடைவெளியின் போது திரையரங்கிற்குள் சென்ற இருவரும் ரசிகர்களிடம் கலந்துரையாடினர்.
இருவரையும் கண்டதும் ரசிகர்களின் ஆரவாரம் திரையரங்கை பிளந்தது.மேலும் நடிகர் விக்ரம் தங்கலான் பட பாடலை பாடி ரசிகர்களை குஷிப்படுத்தினார். முன்னதாக நடிகர் விக்ரம் மற்றும் இயக்குநர் பா.ரஞ்சித் வருகையின் போது பட்டாசு வெடித்தும், இருவருக்கும் ஆளுயர மாலை அணிவித்தும் பிரம்மாண்ட வரவேற்பு அளிக்கப்பட்டது.