தமிழ் சினிமாவில் மட்டுமல்லாமல் இந்திய அளவில் பிரபல இசையமைப்பாளராக வலம் வருபவர் ஏ ஆர் ரஹ்மான். கடந்த 1992 இல் மணிரத்தினம் இயக்கிய ரோஜா படத்தின் மூலம் இசையமைப்பாளராக அறிமுகமாகிய ஏ ஆர் ரகுமான் தமிழ் மட்டுமல்லாமல் இந்தி, ஆங்கிலம் போன்ற பல பழமொழிகளில் பல படங்களுக்கு இசையமைத்திருக்கிறார். பத்மபூஷன், ஆஸ்கர் போன்ற விருதுகளை வென்றவர் ஏ ஆர் ரஹ்மான்.
இத்தகைய பெருமைக்குரிய ஏ ஆர் ரஹ்மானுக்கு கதீஜா, ரஹிமா என இரு மகள்களும் மற்றும் அமீன் என்ற மகனும் இருக்கின்றனர். இவரின் மகன் அமீன் பல பாடல்களை பாடியிருக்கிறார். மேலும் சில மாதங்களுக்கு முன்பாக ஏ ஆர் ரஹ்மானின் மகள் கதீஜா ரஹ்மான் சில்லு கருப்பட்டி படத்தின் இயக்குனரான ஹலிதா சமீம் இயக்கும் மின்மினி படத்தில் இசையமைப்பாளராக அறிமுகமானார்.
இந்நிலையில் கதீஜா ரஹ்மான், சர்வதேச இசையமைப்பாளராக அறிமுகமாகியுள்ளார். அதன்படி பிரிட்டிஷ்- இந்திய படமான லயனஸ் திரைப்படத்தின் மூலம் சர்வதேச அளவில் இசையமைப்பாளராக அறிமுகமாகி பெருமை சேர்த்துள்ளார். இந்தப் படத்தை கஜ்ரி பாப்பர் எழுதி, இயக்க என் எஃப் டி சி மற்றும் தி பிரிட்டிஷ் ஃபிலிம் இன்ஸ்டிடியூட் நிறுவனங்கள் இணைந்து தயாரிக்கிறது.
கடந்த 2020இல் ஏ ஆர் ரஹ்மான் இசையமைத்திருந்த பிரஷ்டன் என்ற பாடல் மூலம் அறியப்பட்டவர் தான் கதீஜா என்பது குறிப்பிடத்தக்கது.