சியான் 63 படத்தில் விக்ரமுக்கு வில்லனாக நடிக்கும் நடிகர் குறித்த விவரம் வெளியாகி உள்ளது.
நடிகர் விக்ரம் ‘வீர தீர சூரன்’ படத்திற்கு பிறகு பிரேம்குமார் இயக்கத்தில் புதிய படம் ஒன்றிலும், விஷ்ணு எடாவன் இயக்கத்தில் புதிய படம் ஒன்றிலும் நடிப்பதற்கு ஒப்பந்தமாகியுள்ளதாக தகவல் வெளியாகி வருகிறது. இதற்கிடையில் இவர், மண்டேலா, மாவீரன் ஆகிய படங்களின் இயக்குனர் மடோன் அஸ்வின் இயக்கத்தில் தனது 63வது திரைப்படத்திலும் நடிப்பதற்கு ஒப்பந்தமானார். இந்த படத்தை சாந்தி டாக்கிஸ் நிறுவனம் தயாரிக்கப்போவதாக ஏற்கனவே அறிவிப்பு வெளியானது. ஆனால் படப்பிடிப்பு இதுவரை தொடங்கப்படவில்லை. 
அது மட்டும் இல்லாமல் மடோன் அஸ்வினின் கதையில் விக்ரமுக்கும், தயாரிப்பாளருக்கும் திருப்தி இல்லாததால் ‘சியான் 63’ படத்தை புதுமுக இயக்குனர் ஒருவர் இயக்கப் போவதாக சமீபகாலமாக பல தகவல்கள் வெளியாகி வருகிறது. இது தொடர்பான அறிவிப்பு இன்று (அக்டோபர் 30) மாலை 5.30 மணி அளவில் வெளியாகும் என அறிவிக்கப்பட்டிருக்கிறது. இதற்கிடையில் இந்த படத்தில் நடிகை மீனாட்சி சௌத்ரி கதாநாயகியாக நடிக்க உள்ளார் என்றும் சத்யராஜ் முக்கிய கதாபாத்திரத்தில் நடிக்க உள்ளார் என்றும் தகவல் கசிந்தது. 
தற்போது இந்த படத்தின் வில்லன் குறித்த அப்டேட் கிடைத்திருக்கிறது. அதாவது நடிகர் சத்யராஜ் தான் இந்த படத்தில் வில்லனாக நடிக்க இருக்கிறாராம். இந்த தகவல் ரசிகர்களின் எதிர்பார்ப்பை அதிகப்படுத்தி உள்ளது.
ஆரம்பத்தில் ரஜினி படங்களில் வில்லனாக நடித்து வந்த சத்யராஜ், வருகின்ற டிசம்பர் மாதம் கார்த்தி நடிப்பில் வெளியாக இருக்கும் ‘வா வாத்தியார்’ திரைப்படத்திலும் வில்லனாக நடித்துள்ளார் என்பது குறிப்பிடத்தக்கது.