‘லப்பர் பந்து’ பட இயக்குனரின் அடுத்த படத்தில் தனுஷ்…. இசையமைப்பாளர் யார் தெரியுமா?

லப்பர் பந்து பட இயக்குனரின் அடுத்த படத்தில் தனுஷ் நடிக்க உள்ளார்.

கடந்த 2024 செப்டம்பர் மாதம் அட்டகத்தி தினேஷ், ஹரிஷ் கல்யாண், சுவாசிகா, சஞ்சனா கிருஷ்ணமூர்த்தி ஆகியோரின் நடிப்பில் லப்பர் பந்து எனும் திரைப்படம் வெளியானது. கிரிக்கெட் சம்மந்தமான கதைக்களத்தில் வெளியான இந்த படத்தை தமிழரசன் பச்சமுத்து இயக்கியிருந்த நிலையில், இப்படம் ரசிகர்கள் மத்தியில் மிகப்பெரிய வரவேற்பை பெற்றது. எனவே இதைத்தொடர்ந்து தமிழரசன் பச்சமுத்து என்ன படம் இயக்கப் போகிறார்? என்ற எதிர்பார்ப்பு இருந்து வருகிறது. அதன்படி தனுஷை வைத்து புதிய படம் ஒன்றை இயக்கப் போவதாகவும் இந்த படமானது டான் பிக்சர்ஸ் நிறுவனத்தின் சார்பில் தயாரிக்கப்பட இருப்பதாகவும் ஏற்கனவே பல தகவல்கள் வெளிவந்தன. இந்நிலையில் இந்த படத்தின் இசையமைப்பாளர் குறித்த அப்டேட் கிடைத்திருக்கிறது. அதன்படி அனிருத் இந்த படத்திற்கு இசையமைக்க உள்ளார் என புதிய தகவல்கள் தெரிவிக்கின்றன. ஏற்கனவே தனுஷ் – அனிருத் காம்போவில் வெளியான பல பாடல்கள் பெரிய அளவில் ஹிட் அடித்த நிலையில் மீண்டும் இந்த கூட்டணி இணையப்போகும் தகவல் ரசிகர்களுக்கு படத்தின் மீதான எதிர்பார்ப்பை அதிகப்படுத்தி இருக்கிறது.

தனுஷ் ஏற்கனவே பல படங்களில் கமிட்டாகி இருக்கும் நிலையில், அந்த படங்களை எல்லாம் முடித்த பிறகு தமிழரசன் பச்சமுத்து இயக்கத்தில் நடிப்பார் என எதிர்பார்க்கப்படுகிறது.