தனுஷ் இயக்கியுள்ள நிலவுக்கு என் மேல் என்னடி கோபம் திரைப்படம் காதலர் தினத்தை முன்னிட்டு வெளியாகும் என புதிய அப்டேட் கிடைத்துள்ளது.
நடிகர் தனுஷ் கடந்த 2017ல் பவர் பாண்டி எனும் திரைப்படத்தை இயக்கிய பிறகு ராயன் எனும் திரைப்படத்தின் இயக்கி வெற்றி பெற்றார். அதைத்தொடர்ந்து இட்லி கடை எனும் திரைப்படத்தை தானே இயக்கி நடித்து வருகிறார் தனுஷ். இதற்கிடையில் இவர் பவிஷ், அனிகா சுரேந்திரன், மேத்யூ தாமஸ், பிரியா வாரியர், ரம்யா ரங்கநாதன் ஆகியோர் முக்கிய கதாபாத்திரங்களில் நடித்திருக்கின்றனர். இந்த படத்தை உண்டர்பார் பிலிம்ஸ் நிறுவனம் தயாரித்திருக்கிறது. ஜிவி பிரகாஷ் இந்த படத்திற்கு இசையமைக்கிறார். காதல் சம்பந்தமான கதைக்களத்தில் உருவாகும் இந்த படத்தின் படப்பிடிப்பு ஏற்கனவே தொடங்கப்பட்ட நிலையில் தற்போது படப்பிடிப்பு ஏறத்தாழ நிறைவடைந்ததாக சொல்லப்படுகிறது. 
அதன்படி அடுத்தடுத்த போஸ்டர்களும் பாடல்களும் வெளியாகி ரசிகர்களை கவர்ந்து வருகின்றன. மேலும் இந்த படமானது அடுத்த ஆண்டு பிப்ரவரி மாதத்தில் வெளியாகும் என ஏற்கனவே தகவல் கசிந்திருந்தது. இந்நிலையில் இந்த படம் பிப்ரவரி மாதம் காதலர் தினத்தை முன்னிட்டு வெளியாகும் என புதிய அப்டேட்டு கிடைத்துள்ளது. விரைவில் படக்குழுவினர் சார்பில் அதிகாரப்பூர்வ அறிவிப்பு வெளியாகும் என நம்பப்படுகிறது.