ஃபகத் ஃபாசிலின் மாறுபட்ட நடிப்பில் ஆவேஷம்… முதல் பாடல் ரிலீஸ்…

ஃபகத் ஃபாசிலின் மாறுபட்ட நடிப்பில் உருவாகி இருக்கும் ஆவேஷம் படத்திலிருந்து முதல் பாடல் ரெளியாகி உள்ளது.ட

மலையாள சினிமா மட்டுமன்றி, தென்னிந்திய திரையுலகிலும் முன்னணி நடிகராக வலம் வருபவர் நடிகர் ஃபகத் ஃபாசில். அனைத்து படங்களிலும் தன்னுடைய ஆக்ரோஷமான நடிப்பினால் ஹீரோவையே மிஞ்சி விடுவார். கதாநாயகனாக நடித்திருந்தாலும் சரி வில்லனாக நடித்திருந்தாலும் சரி எந்த படம் என்றாலும் அவரது நடிப்பிற்கு ஈடு அவர் மட்டுமே. மலையாளத் திரை உலகில் அறிமுகமான இவர் பல படங்களில் தன் நடிப்புத் திறமையை வெளிக்காட்டி வருகிறார். அதுமட்டுமில்லாமல் தமிழில் வேலைக்காரன், சூப்பர் டீலக்ஸ், விக்ரம், ஆகிய படங்களில் வில்லனாக நடித்து தனி ரசிகர்களை பெற்றார்.

இது தவிர தெலுங்கில் அல்லு அர்ஜூன் நடித்த புஷ்பா படத்திலும் தனது தனித்துவமான நடிப்பினால் ரசிகர்களை கவர்ந்தார். தமிழில் இறுதியாக மாரி செல்வராஜ் இயக்கத்தில் மாமன்னன் திரைப்படத்தில் வில்லனாக நடித்திருந்தார். இந்த படத்தில் ரத்தினவேல் என்ற கதாபாத்திரம் இவருக்கு நல்ல வரவேற்பை பெற்று தந்தது. வில்லனாக நடித்திருந்தாலும் இவரின் அசாத்தியமான நடிப்பு ரசிகர்கள் இவரை கொண்டாடும் வகையில் அமைந்தது.

அடுத்ததாக மலையாளத்தில் ஆவேஷம் என்ற படத்தில் நடித்திருக்கிறார். இதுவரை இல்லாத வகையில் முற்றிலும் மாறுபட்ட தோற்றத்தில் நடித்திருக்கிறார். மலையாளத்தில் அண்மையில் வசூல் ரீதியாக மிகப் பெரிய வரவேற்பை பெற்ற படம் ‘ரோமாஞ்சம்’. இந்தப் படத்தின் இயக்குநர் ஜித்து மாதவன், ஆவேஷம் படத்தை இயக்கி இருக்கிறார். படத்தில், நஸ்ரியா நாசிம், மன்சூர் அலிகான் ஆகியோர் நடிக்கின்றனர். சுஷின் ஷ்யாம் இசை அமைக்கிறார். இந்நிலையில், இப்படத்தின் முதல் பாடல் தற்போது வெளியாகி உள்ளது.