தோனி, ஹரிஷ் கல்யாண் கூட்டணியில் உருவாகும் ‘எல் ஜி எம்’ படத்தின் ரிலீஸ் குறித்த அப்டேட்!

தோனி என்டர்டெயின்மென்ட் நிறுவனத்தின் தயாரிப்பில் ஹரிஷ் கல்யாண் நடிக்கும் எல் ஜி எம் திரைப்படத்தின் ரிலீஸ் குறித்த தகவல் வெளியாகி உள்ளது.

இந்தப் படத்தை அறிமுக இயக்குனர் ரமேஷ் தமிழ்மணி இயக்குகிறார். இந்த படத்தில் ஹரிஷ் கல்யாண் உடன் இணைந்து நதியா இவானா யோகி பாபு, தீபா மற்றும் பலர் நடிக்கின்றனர்.
இந்தப் படத்திற்கு இயக்குனர் ரமேஷ் தமிழ்மணியே இசையமைக்கிறார். விஸ்வஜித் ஒளிப்பதிவு செய்கிறார்.

இந்த படம் அம்மா மற்றும் வருங்கால மனைவியை இருவர்களிடம் சிக்கி தவிக்கும் இளைஞனின் வாழ்க்கையை பின்னணியாக கொண்டு ஒரு குடும்பப் பொழுதுபோக்கு படமாக தயாராகி வருகிறது. சமீபத்தில் வெளியான இந்த படத்தின் டீசர், அதைத் தொடர்ந்து வெளியான ‘சலனா’ எனும் முதல் பாடல் ரசிகர்களிடையே நல்ல வரவேற்பு பெற்றது.
இந்த படத்தின் படப்பிடிப்பு தற்போது இறுதி கட்டத்தை எட்டியுள்ளது.
இந்நிலையில் இந்த படம் வருகின்ற ஜூலை 28ஆம் தேதி திரைக்கு வர இருப்பதாக செய்திகள் வெளியாகி வருகிறது.
எனினும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.