தனுஷ் நடிக்கும் D56 படம் குறித்த லேட்டஸ்ட் அப்டேட் வெளியாகியுள்ளது.
நடிகர் தனுஷ் கடைசியாக ராயன் எனும் திரைப்படத்தை தானே இயக்கி நடித்திருந்தார். இதைத்தொடர்ந்து இட்லி கடை எனும் திரைப்படத்தையும் தானே இயக்கி நடித்து வருகிறார். இந்த படத்தின் படப்பிடிப்புகள் ஏறத்தாழ நிறைவடைந்த நிலையில் படமானது அடுத்த ஆண்டு ஏப்ரல் 10ஆம் தேதி திரைக்கு வர தயாராகி வருகிறது. இதற்கிடையில் குபேரா எனும் திரைப்படத்திலும் நடித்து முடித்துள்ளார் தனுஷ். மேலும் தேரே இஷ்க் மெய்ன் என்ற பாலிவுட் படத்தில் கமிட்டாகியுள்ளார். அடுத்தது அமரன் படத்தின் இயக்குனர் ராஜ்குமார் பெரியசாமி இயக்கத்தில் தனது 55வது திரைப்படத்தில் நடிக்க உள்ளார் தனுஷ். இது தொடர்பான அறிவிப்பு சமீபத்தில் வெளியாகி எதிர்பார்ப்பு ஏற்படுத்தியது. இது ஒரு பக்கம் இருக்க, மற்றொரு பக்கம் நடைபெற தனுஷ், போர் தொழில் படத்தின் இயக்குனர் விக்னேஷ் ராஜாவுடன் கூட்டணி அமைக்கப் போவதாக ஏற்கனவே தகவல் கசிந்தது. அதன்படி இந்த படம் நடிகர் தனுஷின் 56வது படமாக உருவாக இருக்கிறதாம்.
இதற்கு தற்காலிகமாக D56 என்று தலைப்பு வைக்கப்பட்டிருக்கும் நிலையில் இந்த படத்தினை வேல்ஸ் ஃபிலிம் இன்டர்நேஷனல் நிறுவனம் தயாரிக்க இருக்கிறது. மேலும் இப்படம் கிட்டத்தட்ட 150 கோடி ரூபாய் பட்ஜெட்டில் உருவாக இருப்பதாகவும் இந்த படத்தின் படப்பிடிப்பு அடுத்த ஆண்டு பிப்ரவரி மாதத்தில் தொடங்கும் எனவும் சொல்லப்படுகிறது. எனவே விரைவில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.