காஜல் அகர்வாலின் புதிய படம் குறித்த முக்கிய அப்டேட் வெளியாகி உள்ளது.
தென்னிந்தியாவின் முன்னணி நடிகைகளில் ஒருவரான காஜல் அகர்வால் சமீப காலமாக கதாநாயகிகளுக்கு முக்கியத்துவம் வாய்ந்த படங்களில் நடித்து வருகிறார்.
அந்த வகையில் சில மாதங்களுக்கு முன்பாக காஜல் அகர்வால் நடிப்பில் ‘கோஸ்டி’ எனும் திரைப்படம் வெளியானது. ஜெய், மொட்ட ராஜேந்திரன், யோகி பாபு, ஜெகன், உள்ளிட்டோரின் நடிப்பில் வெளியான காமெடி திரைப்படமான இது ரசிகர்களிடையே நல்ல வரவேற்பு பெற்றது.
அதன் பின் தற்போது கமல்ஹாசன் நடிப்பில் சங்கர் இயக்கும் ‘இந்தியன் 2’ படத்தில் நடித்து வருகிறார்.
இதைத் தொடர்ந்து இவர் தற்போது தெலுங்கு மொழியில் தனது 60வது படத்தில் நடிக்கிறார். இப்படத்தை சசி கிரண் டிக்கா நிறுவனத்தின் தயாரிப்பில் அகில் தேகலா என்பவர் இயக்குகிறார். ஸ்ரீ சரண் பகாலா இதற்கு இசையமைக்கிறார்.
மேலும் இப்படத்தில் காஜல் அகர்வால் ஒரு மிடுக்கான போலீஸ் அதிகாரியாக நடிக்கிறார்.
காஜல் அகர்வாலின் 60வது படமான இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில் காஜல் அகர்வாலின் பிறந்த நாளையொட்டி இந்தப் படத்தின் தலைப்பு அறிவிக்கப்பட்டுள்ளது. ‘சத்தியபாமா ‘ என்ற தலைப்பிடப்பட்டுள்ள இந்த படத்தின் முன்னோட்ட வீடியோவும் வெளியாகி உள்ளது.