மருத்துவமனையில் அனுமதிக்கப்பட்ட கமல்ஹாசனின் அண்ணன்…. அதிர்ச்சியில் ரசிகர்கள்!

நடிகர் சாருஹாசன் மருத்துவமனையில் அனுமதிக்கப்பட்டுள்ளார்.

உலக நாயகன் கமலஹாசனின் உடன் பிறந்த அண்ணனும் பிரபல தமிழ் நடிகருமான சாருஹாசன் உடல் நலக்குறைவால் மருத்துவமனையில் அனுமதிக்கப்பட்டுள்ளார். அவருக்கு வயது 93. இவர் முன்னாள் வழக்கறிஞராகவும், எழுத்தாளராகவும், இயக்குனராகவும் அதுமட்டுமின்றி தமிழ் சினிமாவில் பல படங்களில் குணச்சித்திர கதாபாத்திரங்களிலும் நடித்து பிரபலமானவர். 1979ல் வெளியான உதிரிப்பூக்கள் தான் இவருக்கு முதல் தமிழ் படம். அது முதல் தளபதி, விக்ரம், ஜெய்ஹிந்த் உள்ளிட்ட பல படங்களில் முக்கிய கதாபாத்திரத்தில் நடித்துள்ளார். இவர் ஹீரோவாக நடித்த தாதா 87 திரைப்படம் சமீபத்தில் வெளியானது. தமிழ் மட்டுமின்றி தெலுங்கு, கன்னடம், இந்தி உள்ளிட்ட பல்வேறு மொழிகளில் நடித்து புகழ்பெற்றவர் சாருஹாசன். இந்நிலையில் தீபாவளிக்கு முந்தைய நாள் இரவில் கீழே விழுந்ததாகவும் அதன் பிறகு உடனடியாக மருத்துவமனைக்கு அழைத்துச் செல்லப்பட்டதாகவும் சொல்லப்படுகிறது. தொடர்ந்து மருத்துவர்கள் அவருக்கு சிகிச்சை அளித்து வந்த நிலையில் அறுவை சிகிச்சையும் நடந்து முடிந்துள்ளது. அறுவை சிகிச்சை நடப்பதற்கு முன்பாக நடிகை சுஹாசினி தனது இன்ஸ்டாகிராம் பக்கத்தில் மருத்துவமனையில் சாருஹாசனுடன் இருக்கும் புகைப்படம் ஒன்றை வெளியிட்டிருந்தார். இந்த தகவல் அறிந்த ரசிகர்கள் சாருஹாசன் விரைவில் நலம் பெற்று வீடு திரும்ப வேண்டி பிரார்த்தனை செய்து வருகிறார்கள்.