சிபி சக்கரவர்த்தி இயக்கத்தில் நானி நடிக்கும் புதிய படத்தில் நாயகியாக பூஜா ஹெக்டேவை நடிக்க வைக்க பேச்சுவார்த்தை நடைபெற்று வருகிறது.
தமிழில் சிவகார்த்திகேயன் மற்றும் பிரியங்கா மோகன் நடிப்பில் வெளியான டான் திரைப்படம் சூப்பர் ஹிட் வெற்றி பெற்றது. அந்தப் படத்தை அறிமுக இயக்குனரான சிபி சக்கரவர்த்தி இயக்கியிருந்தார், இவர் இயக்குனர் அட்லீயிடம் இணை இயக்குனராக பணியாற்றியது குறிப்பிடத்தக்கது. சிபி சக்கரவர்த்தி தனது முதல் படத்திலேயே 100 கோடி வசூல் கொடுத்து தென்னிந்திய சினிமாவை திரும்பி பார்க்க வைத்தார். அவரது அடுத்த படத்திற்கு பெரும் எதிர்பார்ப்பு நிலவி வந்தது. ரஜினி, விஜய் உள்ளிட்ட பெரிய ஹீரோக்களுக்கு கதை கூறியுள்ளதாகவும் கோலிவுட் சினிமா வட்டாரங்கள் தெரிவித்தன.
