நிவின் பாலி நடிப்பில் உருவாகியுள்ள ராமச்சந்திரா பாஸ் & கோ படத்தின் ஃபர்ஸ்ட் லுக் குறித்த அப்டேட் வெளியாகியுள்ளது.
நிவின் பாலி மலையாளத் திரை உலகின் பிரபல நடிகராக வலம் வருபவர். இவர் படவெட்டு, துறைமுகம் உள்ளிட்ட திரைப்படங்கள் தவிர மற்ற சில படங்கள் பெரிய அளவில் வெற்றி பெறவில்லை.
அதனால் தற்போது மிகுந்த எதிர்பார்ப்புகளுடன் தனது 42 வது படமான ராமச்சந்திரா திரைப்படத்தில் நடித்துள்ளார். இதனை ஹனீப் அடேனி இயக்கியுள்ளார். ஹனீப் அடேனி மற்றும் நிவின் பால் கூட்டணி ஏற்கனவே மைக்கேல் திரைப்படத்தில் இணைந்திருந்தது குறிப்பிடத்தக்கது. இந்தப் படத்தை மேஜிக் பிரேம்ஸ் மற்றும் ஜே ஆர் பிச்சர்ஸ் நிறுவனத்தின் சார்பில் நிவின் பாலி மற்றும் லிஸ்டின் ஸ்டீபன் இணைந்து தயாரிக்கின்றனர்.
இந்த படம் விரைவில் திரைக்கு வர இருக்கிறது. இந்நிலையில் படத்தின் ஃபர்ஸ்ட் லுக் நாளை மாலை 6 மணி அளவில் வெளியாகும் என்று பட குழுவினர் போஸ்டர் ஒன்றை வெளியிட்ட அறிவித்துள்ளனர். இப்படம் ஹெய்ஸ்ட் திரில்லர் கதை களத்தில் உருவாகியுள்ளது என்பது குறிப்பிடத்தக்கது.