பிரபாஸ் நடிக்கும் தி ராஜாசாப் படத்தின் டீசர் ரிலீஸ் குறித்த தகவல் வெளியாகியுள்ளது.
நடிகர் பிரபாஸ் கடைசியாக கல்கி 2898AD எனும் திரைப்படத்தில் நடித்திருந்தார். பான் இந்திய அளவில் வெளியிடப்பட்ட இந்தப் படம் சுமார் 1100 கோடிக்கும் அதிகமாக வசூல் செய்து சாதனை படைத்தது. அடுத்ததாக நடிகர் பிரபாஸ், ஸ்பிரிட், சலார் 2 ஆகிய படங்களை கைவசம் வைத்திருக்கிறார். இதற்கிடையில் இவர் இயக்குனர் மாருதி இயக்கத்தில் தி ராஜாசாப் எனும் திரைப்படத்தில் நடித்து வருகிறார். இந்த படத்தில் பிரபாஸுடன் இணைந்து நிதி அகர்வால், யோகி பாபு, மாளவிகா மோகனன், ரித்தி குமார் ஆகியோர் முக்கிய கதாபாத்திரங்களில் நடித்து வருகின்றனர். பீப்பிள் மீடியா ஃபேக்டரி நிறுவனம் இந்த படத்தினை தயாரிக்க தமன் இந்த படத்திற்கு இசையமைக்கிறார். கார்த்திக் பழனி இந்த படத்தின் ஒளிப்பதிவு பணிகளை கவனிக்கிறார். இப்படமானது காமெடி கலந்த ஹாரர் திரில்லர் கதைக்களத்தில் உருவாகி வருகிறது. 
அதன்படி படத்தின் படப்பிடிப்புகள் விறுவிறுப்பாக நடைபெற்று வரும் நிலையில் இப்படமானது அடுத்த ஆண்டு ஏப்ரல் மாதம் 10ஆம் தேதி திரைக்கு வரும் என ஏற்கனவே படக்குழுவினர் சார்பில் அறிவிக்கப்பட்டுள்ளது. இதற்கிடையில் இந்த படத்தில் இருந்து அடுத்தடுத்த போஸ்டர்கள் வெளியாகி ரசிகர்களை வெகுவாக கவர்ந்து வருகிறது. இந்நிலையில் இந்த படத்தின் டீசர் குறித்த அப்டேட் கிடைத்துள்ளது. அதன்படி தி ராஜாசாப் படத்தின் டீசர் வருகின்ற டிசம்பர் மாதம் 25ஆம் தேதி கிறிஸ்மஸ் தின ஸ்பெஷலாக வெளியாகும் என தற்போதைய தகவல்கள் தெரிவிக்கின்றன. இனிவரும் நாட்களில் இது தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.