ரஜினியின் ஜெயிலர் 2 படத்தின் ரிலீஸ் தள்ளிப்போவதாக தகவல் வெளியாகியிருக்கிறது.
சூப்பர் ஸ்டார் ரஜினிகாந்தின் 172 வது படமாக உருவாகி வரும் திரைப்படம் தான் ‘ஜெயிலர் 2’. இந்த படத்தை நெல்சன் இயக்க சன் பிக்சர்ஸ் நிறுவனம் இப்படத்தை தயாரிக்கிறது. அனிருத் இந்த படத்திற்கு இசையமைக்கிறார். கடந்த 2023 ஆம் ஆண்டு ‘ஜெயிலர்’ திரைப்படம் வெளியாகி சூப்பர் டூப்பர் ஹிட் அடித்த நிலையில் இதன் இரண்டாம் பாகத்தின் மீதான எதிர்பார்ப்பு சொல்ல முடியாத அளவில் அதிகமாக இருந்து வருகிறது. அதன்படி ஏற்கனவே படப்பிடிப்புகளும் தொடங்கி விறுவிறுப்பாக நடைபெற்று வருகின்றன.
இந்த முறை நெல்சன், எந்த மாதிரியான திரைக்கதையை எழுதி இருப்பார் என்பதை காண ரசிகர்கள் மிகுந்த ஆர்வத்துடன் காத்துக் கொண்டிருக்கின்றனர். அதே சமயம் இதன் அறிவிப்பு டீசரும் வெளியாகி ரசிகர்கள் மத்தியில் ஏகபோக வரவேற்பை பெற்றது. அதைத்தொடர்ந்து படப்பிடிப்புகளும் தொடங்கி விறுவிறுப்பாக நடைபெற்று வருகின்றன. ‘கூலி’ பட ரிலீஸுக்காக பிரேக் விடப்பட்டிருந்த ‘ஜெயிலர் 2’ படத்தின் படப்பிடிப்பு மீண்டும் தொடங்க இருக்கிறது. விரைவில் இதன் இறுதி கட்ட படப்பிடிப்பு கோவாவில் தொடங்கும் என சொல்லப்படுகிறது. இதற்கிடையில் இந்த படத்தில் ஏகப்பட்ட பிரபலங்கள் இணைந்திருப்பதாக தகவல் வெளியாகி வருகின்றன. அந்த வகையில் மோகன்லால், சிவராஜ்குமார் மட்டுமில்லாமல் சுராஜ் வெஞ்சரமூடு, எஸ்.ஜே. சூர்யா, பூர்ணா ஆகியோரும் இப்படத்தில் நடிக்கிறார்கள் என சினிமா வட்டாரங்கள் தெரிவிக்கின்றன. 
இது தவிர இந்த படத்தின் ஒட்டுமொத்த படப்பிடிப்பும் இந்த ஆண்டு இறுதியில் முடிவடையும் என்றும் படமானது அடுத்த ஆண்டு கோடை விடுமுறையில் வெளியாகும் என்றும் பல தகவல்கள் சமூக வலைதளங்களில் உலா வந்தது. ஆனால் தற்போது கிடைத்த தகவல் என்னவென்றால், ஜெயிலர் 2 திரைப்படத்தை 2026 ஆகஸ்ட் மாதத்தில் திரைக்கு கொண்டுவர படக்குழு திட்டமிட்டு வருவதாக தெரிய வந்திருக்கிறது. ஏனென்றால் ஜெயிலர் திரைப்படம் 2023 ஆகஸ்ட் மாதத்தில் வெளியாகி இமாலய வெற்றி பெற்றது. எனவே அதே சென்டிமென்ட்டுக்காக ‘ஜெயிலர் 2’ படத்தையும் ஆகஸ்ட் மாதத்தில் வெளியிட முடிவு செய்து இருக்கிறார்களாம். இனிவரும் நாட்களில் மற்ற அப்டேட்டுகள் வெளியாகும் என எதிர்பார்க்கப்படுகிறது.