சித்தார்த் நடிக்கும் புதிய படத்தின் டைட்டில் குறித்த அப்டேட் வெளியாகியிருக்கிறது.
நடிகர் சித்தார்த் தமிழ் சினிமாவில் முன்னணி நடிகர்களில் ஒருவராக வலம் வருபவர். இவர் கடைசியாக அருண்குமார் இயக்கத்தில் சித்தா எனும் திரைப்படத்தில் நடித்திருந்தார். 
இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் மிகப் பெரிய வெற்றி பெற்றது. அதைத்தொடர்ந்து இந்தியன் 2 திரைப்படத்தில் நடித்திருந்தார் சித்தார்த். இந்த படம் எதிர்பார்த்த வெற்றியை தரவில்லை. அடுத்தது மிஸ் யூ, டெஸ்ட் போன்ற படங்களை கைவசம் வைத்துள்ளார். அதே சமயம் இவர், எட்டு தோட்டாக்கள், குருதி ஆட்டம் உள்ளிட்ட படங்களை இயக்கிய ஸ்ரீகணேஷ் இயக்கத்தில் புதிய படம் ஒன்றில் நடித்து வருகிறார். இந்த படத்தினை சாந்தி டாக்கீஸ் நிறுவனம் தயாரிக்கிறது. படத்தில் சித்தார்த்துடன் இணைந்து சரத்குமார், தேவயானி, மீதா ரகுநாத், சைத்ரா ஆச்சார் உள்ளிட்டோர் முக்கிய கதாபாத்திரங்களில் நடிக்கின்றனர். கடந்த சில மாதங்களுக்கு முன்னர் இந்த படத்தின் படப்பிடிப்பு பூஜையுடன் தொடங்கப்பட்டது. 
அதைத்தொடர்ந்து விறுவிறுப்பாக நடைபெற்று வருகிறது. இந்நிலையில் இந்த படத்தின் டைட்டில் குறித்த தகவல் வெளியாகியிருக்கிறது. அதன்படி சித்தார்த்தின் 40வது படமாக உருவாகும் இந்த படத்திற்கு 3BHK என்று தலைப்பு வைக்கப்பட்டுள்ளதாக சமூக வலைதளங்களை செய்திகள் பரவி வருகின்றன. விரைவில் இது தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.