சூர்யா 46 படத்தின் ரிலீஸ் தள்ளிப்போவதாக தகவல் வெளியாகியுள்ளது.
சூர்யா நடிப்பில் கடைசியாக ‘ரெட்ரோ’ திரைப்படம் வெளியானது. அடுத்தது இவரது நடிப்பில் ‘கருப்பு’ திரைப்படம் உருவாகி இருக்கிறது. ஆர்.ஜே. பாலாஜி இயக்கத்தில் மிகுந்த எதிர்பார்ப்புகளுடன் உருவாகி உள்ள இந்த படத்தின் படப்பிடிப்புகள் ஏற்கனவே நிறைவடைந்த நிலையில், படமானது அடுத்த ஆண்டு பொங்கல் தினத்தை முன்னிட்டு வெளியாகலாம் என சினிமா வட்டாரங்கள் தெரிவிக்கின்றன. இதற்கிடையில் சூர்யா, ‘வாத்தி’, ‘லக்கி பாஸ்கர்’ படங்களின் இயக்குனர் வெங்கி அட்லுரி இயக்கத்தில் தனது 46வது படத்தில் நடித்து வருகிறார். தற்காலிகமாக சூர்யா 46 என்று தலைப்பு வைக்கப்பட்டுள்ள இந்த படத்திற்கு ‘விஸ்வநாதன் அண்ட் சன்ஸ்’ என்று தலைப்பு வைக்க படக்குழு திட்டமிட்டு வருவதாக ஏற்கனவே தகவல் வெளியாகியுள்ளது. இந்த படத்தை சித்தாரா என்டர்டெயின்மென்ட் நிறுவனம் தயாரிக்க ஜி.வி. பிரகாஷ் இதற்கு இசையமைக்கிறார். இந்த படத்தில் சூர்யாவுடன் இணைந்தும் மமிதா பைஜு முக்கிய கதாபாத்திரத்தில் நடிக்கிறார். 
இது தவிர ராதிகா சரத்குமார், ரவீனா டாண்டன், அனில் கபூர் ஆகியோரும் நடிப்பதாக சொல்லப்படுகிறது. கடந்த சில மாதங்களுக்கு முன்னதாக இந்த படத்தின் படப்பிடிப்புகள் தொடங்கி ஐதராபாத் போன்ற பகுதிகளில் விறுவிறுப்பாக நடைபெற்று வருகிறது. இதற்கிடையில் இந்த படமானது 2026 மே 1 அன்று திரைக்கு வரும் என தகவல் கசிந்தது. ஆனால் தற்போது கிடைத்த தகவல் என்னவென்றால், இந்த படம் 2026 ஆம் ஆண்டின் இரண்டாம் பாதியில் திரைக்கு வரும் என புதிய தகவல் வெளிவந்துள்ளது. மற்ற தகவல்கள் விரைவில் வெளியாகும் என எதிர்பார்க்கப்படுகிறது.