தளபதி 68 பட பூஜை வீடியோ நாளை ரிலீஸ்

லியோ படத்திற்கு பிறகு விஜய் வெங்கட் பிரபு இயக்கத்தில் தனது 68வது படத்தில் நடிக்க இருக்கிறார். தற்காலிகமாக தளபதி 68 என்று தலைப்படப்பட்டுள்ள இந்த படத்தை ஏஜிஎஸ் என்டர்டெயின்மென்ட் நிறுவனம் தயாரிக்க உள்ளது. யுவன் சங்கர் ராஜா இதற்கு இசையமைக்க இருக்கிறார். மிகுந்த எதிர்பார்ப்புகளுக்கு மத்தியில் இந்த படத்தின் பூஜை தொடங்கப்பட்டுள்ளது. வரும் நவம்பர் மாதம் இப்படத்தின் படப்பிடிப்பு தொடங்க உள்ளது.

விஜய் நடிக்கும் 68-வது திரைப்படத்தில் மீனாட்சி சவுத்ரி கதாநாயகியாக நடிப்பதாகவும், சினேகா முக்கிய கதாபாத்திரத்தில் நடிப்பதாகவும் அண்மையில் அறிவிக்கப்பட்டது. இதைத் தொடர்ந்து பிரபல வில்லன் நடிகர் அஜ்மலும் படத்தில் இணைந்துள்ளதாக தகவல் வெளியானது. இந்நிலையில், படத்தின் தயாரிப்பு நிறுவனமான ஏஜிஎஸ் முக்கிய அறிவிப்பை வெளியிட்டுள்ளது.

As promised #Thalapathy68 updates will start tomorrow. 2024 will belong to us ❤️ @actorvijay Sir, @vp_offl @thisisysr @Ags_production @aishkalpathi The Pooja video will reveal cast and crew details you have been waiting for at 12:05 pm tomorrow 🤩🔥🙌🏼 pic.twitter.com/FWWgithKlC

— Archana Kalpathi (@archanakalpathi) October 23, 2023

அதன்படி, நாளை முதல் தளபதி 68 படத்தின் அப்டேட்டுகள் அடுத்தடுத்து வெளியாகும் என்று தெரிவித்துள்ளது. மேலும், படத்தின் பூஜை வீடியோ நாளை மதியம் வெளியாகும் என்றும், படத்தின் மற்ற நடிகர் நடிகைகள் குறித்து அப்போது ரசிகர்கள் அறிந்து கொள்ளலாம் என்றும் தெரிவித்துள்ளது.