‘தளபதி 69’ படத்தின் லேட்டஸ்ட் அப்டேட் கொடுத்த பிரபல தயாரிப்பு நிறுவனம்!

தளபதி 69 படத்தின் லேட்டஸ்ட் அப்டேட் வெளியாகி உள்ளது.

நடிகர் விஜய் நடிப்பில் கடந்த செப்டம்பர் 5ஆம் தேதி கோட் திரைப்படம் வெளியாகி ரசிகர்கள் மத்தியில் பெரும் வரவேற்பை பெற்று வருகிறது. இதற்கிடையில் விஜய் தமிழக வெற்றிக் கழகம் எனும் அரசியல் கட்சியை தொடங்கி அரசியல்வாதியாகவும் உருவெடுத்துள்ளார். அதன்படி 2026 சட்டமன்றத் தேர்தலில் போட்டியிட இருக்கிறார் விஜய். எனவே தளபதி 69 திரைப்படம் தான் தனது கடைசி படம் என்று அதிகாரப்பூர்வமாக அறிவித்திருந்தார். இதனால் தளபதி 69 படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. இந்த படத்தினை ஹெச். வினோத் இயக்க இருக்கும் நிலையில் கே வி என் ப்ரொடக்ஷன்ஸ் நிறுவனம் படத்தினை தயாரிக்க உள்ளது. அனிருத் இந்த படத்தின் இசையமைப்பாளராகவும் சத்யன்சூரியன் இதன் ஒளிப்பதிவாளராகவும் கமிட் ஆகியுள்ளனர். மேடம் இந்த படத்தில் விஜயுடன் இணைந்து சிம்ரன், சமந்தா, மோகன்லால், மமிதா பைஜூ உள்ளிட்ட பிரபலங்கள் நடிக்க உள்ளதாக சொல்லப்படுகிறது. ஆகையினால் தளபதி 69 படம் தொடர்பான அதிகாரபூர்வ அறிவிப்பு எப்போது வெளியாகும் என்று ரசிகர்கள் பலரும் எதிர்பார்த்துக் காத்துக் கொண்டிருக்கின்றனர்.

5 mani-ku sandhippom nanba nanbi 🤝🏻
We are happy to announce that our first Tamil film is …………#KVN5update Today at 5 PM 🔥 pic.twitter.com/XU3UIO9TId

— KVN Productions (@KvnProductions) September 13, 2024

இந்நிலையில் படத்தின் தயாரிப்பு நிறுவனமான கே வி என் ப்ரொடக்ஷன்ஸ் நிறுவனம் இன்று (செப்டம்பர் 13) மாலை 5 மணி அளவில் தங்களின் புதிய படம் தொடர்பான அதிகாரப்பூர்வ அறிவிப்பை வெளியிட இருப்பதாக மாஸான வீடியோ ஒன்றை வெளியிட்டு அதிகாரப்பூர்வமாக அறிவித்துள்ளனர். இந்த தகவல் அறிந்த ரசிகர்கள் கொண்டாடி தீர்த்து வருகின்றனர்.