விடாமுயற்சி படத்தின் டீசர் வெளியாகி உள்ளது.
அஜித்தின் 62 ஆவது படமாக உருவாகியுள்ள படம்தான் விடாமுயற்சி. 
இந்த படத்தினை மீகாமன், தடம், தடையறத் தாக்க ஆகிய படங்களை இயக்கிய மகிழ் திருமேனி இயக்கியுள்ளார். லைக்கா நிறுவனம் இந்த படத்தை தயாரிக்க அனிருத் இதற்கு இசை அமைக்கிறார். இந்த படத்தில் அஜித்துக்கு ஜோடியாக திரிஷாவும் வில்லனாக அர்ஜுனும் நடித்திருக்கின்றனர். அஜித், திரிஷா, அர்ஜுன் ஆகியோரின் கூட்டணி ஏற்கனவே மங்காத்தா படத்தில் இணைந்திருந்த நிலையில் மீண்டும் விடாமுயற்சி படத்தில் இணைந்திருப்பது படத்தின் மீதான எதிர்பார்ப்பை அதிகப்படுத்தி உள்ளது. மேலும் இவர்களுடன் இணைந்து ரெஜினா, ஆரவ் ஆகியோரும் நடிக்கின்றனர். ஆக்ஷன் கலந்த கதைக்களத்தில் உருவாகும் இந்த படத்தின் படப்பிடிப்பு ஏற்கனவே அஜர்பைஜான், ஐதராபாத் ஆகிய பகுதிகளில் விறுவிறுப்பாக நடைபெற்று வந்தது. இன்னும் சில காட்சிகள் மட்டும் படமாக்கப்பட இருக்கிறது. அதன்படி விரைவில் இதன் இறுதி கட்ட படப்பிடிப்பு தொடங்க இருக்கிறது. இதற்கிடையில் படத்திலிருந்து அடுத்தடுத்த போஸ்டர்கள் வெளியாகி ரசிகர்களை வெகுவாக கவர்ந்துள்ளது. இருப்பினும் இந்த படம் எப்போது ரிலீஸ் ஆகும் என ரசிகர்கள் பலரும் எதிர்பார்த்துக் காத்துக் கொண்டிருக்கின்றனர். இந்நிலையில் இந்த படத்தின் டீசரை படக்குழுவினர் வெளியிட்டுள்ளனர்.
இந்த டீசரை பார்க்கும்போது ஏற்கனவே வெளியான தகவலின் படி ஒரே நாளில் நடப்பது போன்ற கதையாக இருக்கும் என்று தெரிகிறது. நீண்ட நாட்களாக காத்திருந்த ரசிகர்களுக்கு இந்த டீசர் விருந்து படைத்துள்ளது. “எல்லாரும் எல்லாமும் கைவிடும் போது உன்னை நம்பு விடாமுயற்சி திருவினையாக்கும்” என்ற வாசகம் இந்த டீசரையில் இடம் பெற்றுள்ளது. மேலும் இந்த டீசரின் இறுதியில் இந்த படம் 2025 பொங்கல் தினத்தை முன்னிட்டு வெளியாகும் என அதிகாரப்பூர்வமாக அறிவிக்கப்பட்டுள்ளது. எனவே ரசிகர்கள் பலரும் இந்த தகவலை கொண்டாடி தீர்த்து வருகின்றனர்.