விஜே சித்து நடிக்கும் டயங்கரம் படத்தின் படப்பிடிப்பு குறித்த அப்டேட் வெளியாகியுள்ளது.
பிரபலமான யூடியூப் சேனல்களில் விஜே சித்து vlogs முக்கியமான சேனல் ஆகும். இதில் விஜே சித்து மற்றும் ஹர்ஷத் கான் ஆகிய இருவரும் ஓடும் வீடியோக்கள் ரசிகர்களை வெகுவாக கவர்ந்து மில்லியன் பார்வையாளர்களைக் கடந்து லைக்ஸ்களை அள்ளும். இந்நிலையில் தான் இவர்கள் இருவரும் இணைந்து கடந்த பிப்ரவரி மாதத்தில் பிரதீப் ரங்கநாதன் நடிப்பில் வெளியான டிராகன் திரைப்படத்தில் முக்கிய கதாபாத்திரத்தில் நடித்து பெயர் பெற்றனர். அடுத்தது இவர்கள் இருவரும் இணைந்து புதிய படம் ஒன்றில் நடிக்க உள்ளனர். இந்த படத்தை விஜே சித்து தானே இயக்கி நடிக்க உள்ளார். இதனை வேல்ஸ் ஃபிலிம் இன்டர்நேஷனல் நிறுவனத்தின் சார்பில் ஐசரி கணேஷ் தயாரிக்கிறார்.
நேற்று (ஏப்ரல் 2) இந்த படத்தின் ப்ரோமோ வீடியோ வெளியாகி இணையத்தில் வைரலாகி வந்தது. அதன்படி டயங்கரம் என்று தலைப்பு வைக்கப்பட்டுள்ள இந்த படமானது நகைச்சுவை கலந்த கதைக்களத்தில் உருவாக இருப்பதாகவும் சொல்லப்படுகிறது. இந்நிலையில் இதன் டைட்டில் லுக் போஸ்டரை படக்குழு வெளியிட்டுள்ளது. மேலும் அந்த போஸ்டரில் இந்த படத்தின் படப்பிடிப்பை விரைவில் தொடங்கப்படும் எனவும் தெரிவிக்கப்பட்டுள்ளது.