தமிழ்நாட்டின் சட்டம் மற்றும் ஒழுங்கு டிஜிபியாக மூத்த ஐபிஎஸ் அதிகாரி மகேஷ்குமார் அகர்வால் நியமிக்கப்பட்டுள்ளார். இதற்கான உத்தரவை தமிழக அரசு வெளியிட்டுள்ளது. இதற்கு முன்பு அந்தப் பொறுப்பில் இருந்த சந்தீப் ராய் ரத்தோர் பணியிட மாற்றம் செய்யப்பட்டுள்ளார்.
புதிய டிஜிபியாக நியமிக்கப்பட்டுள்ள மகேஷ்குமார் அகர்வால், தமிழக காவல்துறையில் நீண்ட கால அனுபவம் கொண்ட அதிகாரியாக பார்க்கப்படுகிறார். அவர் ஏற்கெனவே சென்னை காவல் துறை ஆணையராகவும், கூடுதல் டிஜிபி (ADGP) பதவியிலும் பணியாற்றி நிர்வாக திறமையால் கவனம் பெற்றிருந்தார். தமிழ்நாட்டின் முழுநேர சட்டம் மற்றும் ஒழுங்கு டிஜிபி நியமனம் கடந்த 10 மாதங்களாக நிலுவையில் இருந்து வந்த நிலையில், தற்போது அந்த விவகாரத்திற்கு முடிவு கட்டப்பட்டுள்ளது.
புதிய டிஜிபி நியமனத்திற்காக தமிழக அரசு அனுப்பிய மூன்று பேர் கொண்ட பரிந்துரை பட்டியலை யூனியன் பப்ளிக் சர்வீஸ் கமிஷன் (UPSC) பரிசீலித்து ஒப்புதல் வழங்கியதைத் தொடர்ந்து, இந்த நியமன உத்தரவு வெளியிடப்பட்டுள்ளது. சட்டமன்றத் தேர்தல் காலத்தில் இடைக்கால அடிப்படையில் டிஜிபியாக நியமிக்கப்பட்டிருந்த சந்தீப் ராய் ரத்தோர் தற்போது மாற்றப்பட்டுள்ள நிலையில், புதிய நிரந்தர டிஜிபியாக மகேஷ்குமார் அகர்வால் பொறுப்பேற்கிறார். இதன் மூலம் நீண்ட நாட்களாக நிலவி வந்த முழுநேர டிஜிபி நியமன சிக்கலுக்கு முதலமைச்சர் விஜய் தலைமையிலான அரசு தீர்வு கண்டுள்ளதாக அரசியல் வட்டாரங்களில் பேசப்படுகிறது.
முதல்வர் விஜய்-ஐச் சந்தித்த செயின்ட்-கோபைன் மற்றும் மஹிந்திரா நிறுவன நிர்வாகிகள்!