தமிழக அமைச்சரவையில் இருந்து செந்தில் பாலாஜியை நீக்கி, தமிழக ஆளுநர் ஆர்.என்.ரவி, நேற்று (ஜூன் 29) இரவு உத்தரவிட்டிருந்தார். இதற்கு முதலமைச்சர், அமைச்சர்கள், அரசியல் கட்சிகளின் தலைவர்கள் என பல்வேறு தரப்பினரும் கடும் கண்டனமும், எதிர்ப்பும் தெரிவித்திருந்த நிலையில், செந்தில் பாலாஜியின் நீக்கம் உத்தரவு தற்காலிகமாக நிறுத்தி வைக்கப்பட்டுள்ளதாக பிடிஐ செய்தி நிறுவனம் தெரிவித்துள்ளது.
‘தமிழகத்தின் புதிய டி.ஜி.பி.யாக சங்கர் ஜிவால் நியமனம்’- தமிழக அரசு அறிவிப்பு!
இந்த நிலையில், இன்று (ஜூன் 30) காலை 10.00 மணிக்கு சென்னை தலைமைச் செயலகத்தில் நடைபெற உள்ள நிகழ்ச்சிகளை அனைத்தும் முடித்துக் கொண்டு, தி.மு.க.வின் தலைவரும், தமிழக முதலமைச்சருமான மு.க.ஸ்டாலின் முக்கிய ஆலோசனை நடத்தவிருக்கிறார்.
சென்னை தலைமைச் செயலகத்தில் நடைபெறும் ஆலோசனைக் கூட்டத்தில், சட்ட வல்லுநர்கள், தி.மு.க.வின் மூத்த நிர்வாகிகள், அமைச்சர்கள் ஆகியோருடன் செந்தில் பாலாஜி விவகாரம் குறித்து முதலமைச்சர் மு.க.ஸ்டாலின் ஆலோசிக்கிறார். செந்தில் பாலாஜி விவகாரத்தில் எடுக்கப்பட வேண்டிய அடுத்தக்கட்ட நடவடிக்கைகள் குறித்தும், ஆளுநரின் அதிரடி உத்தரவு குறித்தும் ஆலோசிக்கவுள்ளார்.
“ஆளுநருக்கு அதிகாரம் இல்லை; சட்ட ரீதியாகச் சந்திப்போம்”- முதலமைச்சர் மு.க.ஸ்டாலின் பேட்டி!
கூட்டத்தில் ஆர்.எஸ்.பாரதி, அமைச்சர் துரைமுருகன், பொன்முடி, தங்கம் தென்னரசு மற்றும் எம்.பி. வில்சன், டி.கே.எஸ்.இளங்கோவன் உள்ளிட்டோர் பங்கேற்கவிருப்பதாக தகவல் வெளியாகியுள்ளது.