தமிழக மீனவர்கள் 22 பேரை கைதுசெய்த இலங்கை கடற்படை

நெடுந்தீவு கடல் பகுதியில் மீன் பிடித்துக்கொண்டிருந்த தமிழக மீனவர்கள் 22 பேரை இலங்கை கடற்படையினர் கைது செய்தனர்.

தமிழ்நாட்டை மீனவர்கள் 22 பேர் 2 விசைப்படகுகளில் நெடுந்தீவு கடல் பகுதியில் மீன் பிடித்துக் கொண்டிருந்தனர். அப்போது அங்கு வந்த இலங்கை கடற்படையினர் எல்லைத்தாண்டி மீன் பிடித்ததாக கூறி 22 மீனவர்களயும், அவர்களது 2 விசைப்படகுகளையும் பறிமுதல் செய்தனர். தொடர்ந்து கைது செய்யப்பட்ட மீனவர்களை இலங்கை காங்கேசம் துறைமுகம் கடற்படை முகாமுக்கு கொண்டு சென்று விசாரணை மேற்கொள்ள உள்ளனர்.

அண்மையில் இலங்கை கடற்படை கப்பல் மோதி ராமேஸ்வரத்தை சேர்ந்த மீனவர் மலைச்சாமி உயிரிழந்தார். இந்த நிலையில், தமிழ்நாட்டு மீனவர்களை இலங்கை கடற்படையினர் கைதுசெய்துள்ள சம்பவத்திற்கு மீனவர் சங்கம் கடும் கண்டனம் தெரிவித்துள்ளது.