582 மெட்ரிக் டன் எடையில் அசுர சாதனை — 2030-க்குள் அணுக்கரு இணைவு மூலம் மின்சாரம் தயாரிக்க சீனா அதிவேக முன்னேற்றம்!
தூய்மையான மற்றும் முடிவில்லா ஆற்றலை உருவாக்கும் நோக்கில் செயல்படுத்தப்பட்டு வரும் “செயற்கை சூரியன்” (Artificial Sun) திட்டத்திற்காக, உலகின் மிகப்பெரிய மற்றும் மிகச் சக்திவாய்ந்த சூப்பர் கன்டக்டிங் இணைவு காந்தத்தை (Superconducting Fusion Magnet) சீனா வெற்றிகரமாக உருவாக்கிச் சோதித்துள்ளது. அறிவியல் உலகையே வியப்பில் ஆழ்த்தியுள்ள இந்தச் சாதனை, உலகளாவிய ஆற்றல் உற்பத்திக் துறையில் மிகப்பெரிய திருப்புமுனையாகப் பார்க்கப்படுகிறது.
582 மெட்ரிக் டன் எடை கொண்ட அசுரக் காந்தம்
அணுக்கரு இணைவு (Nuclear Fusion) வினையின் போது உருவாகும் மிக அதிகப்படியான வெப்பத்தையும் பிளாஸ்மாவையும் பாதுகாப்பாகக் கட்டுப்படுத்த அதிசக்தி வாய்ந்த காந்தப்புலம் அவசியமாகும். இதற்காகச் சீன விஞ்ஞானிகளால் பிரத்யேகமாக வடிவமைக்கப்பட்ட இந்த சூப்பர் கன்டக்டிங் இணைவு காந்தமானது சுமார் 582 மெட்ரிக் டன் எடையைக் கொண்டது. அதிநவீன தொழில்நுட்பத்துடன் உருவாக்கப்பட்ட இந்தக் காந்தத்தின் சோதனைகள் அனைத்தும் வெற்றிகரமாக நிறைவடைந்துள்ளதாகச் சீன அறிவியல் கழகம் அதிகாரப்பூர்வமாக அறிவித்துள்ளது.
2030-க்குள் மின்சார உற்பத்தி: சீனாவின் பிரம்மாண்ட இலக்கு
சூரியனில் ஆற்றல் உருவாகும் அதே அணுக்கரு இணைவுத் தொழில்நுட்பத்தை அடிப்படையாகக் கொண்டு, பூமிக்குத் தேவையான பசுமை ஆற்றலை உருவாக்குவதே இத்திட்டத்தின் முக்கிய நோக்கமாகும். வரும் 2030-ஆம் ஆண்டிற்குள் அணுக்கரு இணைவு உலைகள் மூலம் வணிகரீதியாக மின்சார உற்பத்தியைத் தொடங்குவதை நோக்கமாக்கிக் கொண்டு சீனா தீவிரமாகச் செயல்பட்டு வருகிறது. கதிர்வீச்சு அபாயமோ அல்லது கரிம உமிழ்வோ இல்லாத இந்த மின் உற்பத்தி முறை, எதிர்கால உலகிற்குத் தேவையான தடையற்ற ஆற்றலை வழங்கும் எனக் எதிர்பார்க்கப்படுகிறது.
சீனாவின் இந்த வெற்றிகரமான சோதனை, உலக நாடுகளுக்கு இடையிலான தூய்மை ஆற்றல் போட்டியில் அந்த நாட்டைப் பல படிகள் முன்னேற்றிச் சென்றுள்ளது.