ஜப்பானைச் சேர்ந்த 9 வயது சிறுமி ஒருவர், அந்தரத்தில் தொங்கும் வளையத்தில் ஒரு நிமிடத்தில் 67 முறை குட்டிக்கரணங்கள் அடித்து புதிய கின்னஸ் உலக சாதனை படைத்துள்ளார். சிறு வயதிலேயே அவர் நிகழ்த்தியுள்ள இந்தச் சாகசம் பலரது பாராட்டுகளையும் பெற்று வருகிறது.
கின்னஸ் உலக சாதனை
ஜப்பானின் ஒகினாவா மாகாணத்தில் உள்ள நாககாமியைச் சேர்ந்தவர் சுசு ஹேபாரு (9). இவர், ஏரியல் ஹூப் (Aerial Hoop) எனப்படும் அந்தரத்தில் தொங்கும் வளையத்தில் சாகசங்கள் செய்வதில் திறமை வாய்ந்தவர்.
இந்நிலையில், பெண்களுக்கான பிரிவில் ஒரு நிமிடத்தில் அதிக குட்டிக்கரணங்கள் அடிக்கும் சாதனை முயற்சியில் சுசு ஈடுபட்டார். அப்போது, கண் இமைக்கும் நேரத்தில் சுழன்று ஒரு நிமிடத்தில் 67 குட்டிக்கரணங்களை அடித்து புதிய கின்னஸ் உலக சாதனையைப் படைத்தார்.
சகோதரியே உத்வேகம்
சுசுவின் மூத்த சகோதரிதான் அவருக்கு இந்தச் சாதனை முயற்சிக்கான முக்கிய உத்வேகமாக இருந்துள்ளார். தனது சகோதரி ஏரியல் ஹூப் பயிற்சி செய்வதைப் பார்த்து ஆர்வமடைந்த சுசு, தொடர்ந்து கடுமையான பயிற்சிகளை மேற்கொண்டு இந்தச் சாதனையை நிகழ்த்தியுள்ளார்.
அதிகாரப்பூர்வ அங்கீகாரம்
கடந்த 2025-ம் ஆண்டு ஜூன் 14-ம் தேதி நடைபெற்ற இந்தச் சாதனை முயற்சியை ஆய்வு செய்த கின்னஸ் உலக சாதனை நிறுவனம், சுசு ஹேபாருவின் சாதனையை அதிகாரப்பூர்வமாக அங்கீகரித்துள்ளது. இதுகுறித்த அறிவிப்பை நவம்பர் 13-ம் தேதி வெளியிட்டு, தனது சாதனைப் பதிவிலும் இணைத்துள்ளது.
9 வயதிலேயே அசாத்திய திறமையை வெளிப்படுத்தி உலக சாதனை படைத்துள்ள சுசுவுக்கு இணையத்தில் பலரும் பாராட்டு தெரிவித்து வருகின்றனர்.