ஜெயம் ரவி நடிப்பில் உருவாகும் காதலிக்க நேரமில்லை படத்தின் இசை வெளியீட்டு விழா குறித்து அப்டேட் வெளியாகியுள்ளது.
ஜெயம் ரவி நடிப்பில் தற்போது உருவாகியிருக்கும் திரைப்படம் தான் காதலிக்க நேரமில்லை. இந்த படத்தில் ஜெயம் ரவிக்கு ஜோடியாக நித்யா மேனன் நடித்திருக்கிறார்.
இதனை வணக்கம் சென்னை மற்றும் காளி ஆகிய படங்களை இயக்கிய கிருத்திகா உதயநிதி இயக்குகிறார். ரெட் ஜெயன்ட் மூவிஸ் நிறுவனம் இந்த படத்தை தயாரிக்கிறது. ஏ ஆர் ரகுமான் இதற்கு இசை அமைக்கிறார். இந்த படம் ரொமான்டிக் காதல் கதைக்களத்தில் உருவாகி வருகிறது. அதன்படி இந்த படத்தின் படப்பிடிப்புகள் ஏற்கனவே நிறைவடைந்த நிலையில் இந்த படமானது வருகின்ற டிசம்பர் மாதம் 20ஆம் தேதி திரைக்கு வர இருப்பதாக சொல்லப்படுகிறது. விரைவில் இது தொடர்பான அதிகாரபூர்வ அறிவிப்பு வெளியாகும் என நம்பப்படுகிறது. இந்நிலையில் இந்த படத்தின் இசை வெளியீட்டு விழா குறித்த தகவல் வெளியாகியிருக்கிறது.
அதாவது காதலிக்க நேரமில்லை படத்தின் இசை வெளியீட்டு விழா இந்த மாதம் இறுதியில் நடைபெறும் என புதிய அப்டேட் வெளிவந்துள்ளது. மேலும் மற்ற அப்டேட்டுகள் இனிவரும் நாட்களில் வெளியாகும் என எதிர்பார்க்கப்படுகிறது.
நடிகர் ஜெயம் ரவி பிரதர் படத்திற்கு பிறகு ஜீனி போன்ற படங்களையும் கைவசம் வைத்துள்ளார். அதேபோல் நடிகை நித்யா மேனன், இட்லி கடை போன்ற படங்களை கைவசம் வைத்துள்ளார் என்பது குறிப்பிடத்தக்கது.