கங்குவா படத்தின் புதிய பாடல் இன்று வெளியாகிறது.
சூர்யா நடிப்பில் உருவாகி இருக்கும் திரைப்படம் தான் கங்குவா. இந்த படத்தை சிறுத்தை சிவா இயக்க ஞானவேல் ராஜா படத்தை தயாரிக்கிறார். தேவி ஸ்ரீ பிரசாத்தின் இசையிலும் வெற்றி பழனிசாமியின் ஒளிப்பதிவிலும் இந்த படம் உருவாகி இருக்கிறது. இதில் சூர்யாவுடன் இணைந்து திஷா பதானி, பாபி தியோல், நட்டி நடராஜ், யோகி பாபு, கோவை சரளா, ரெடின் கிங்ஸ்லி உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். 3D தொழில்நுட்பத்தில் பீரியாடிக் படமாக இப்படம் உருவாகி இருக்கிறது. அதன்படி பிரம்மாண்ட பட்ஜெட்டில் மிகுந்த எதிர்பார்ப்புகளுடன் உருவாகி உள்ள இந்த படம் வருகின்ற நவம்பர் 14ஆம் தேதி உலகம் முழுவதும் திரைக்கு வர தயாராகி வருகிறது. இதற்கிடையில் இந்த படத்தின் டீசரும் ட்ரைலரும் வெளியாகி ரசிகர்களின் எதிர்பார்ப்பை தூண்டி உள்ளது.
மேலும் படத்தில் இருந்து அடுத்தடுத்த பாடல்களையும் படக்குழு வெளியிட்டு வருகிறது. அந்த வகையில் ஏற்கனவே மூன்று பாடல்கள் வெளியான நிலையில் தற்போது மன்னிப்பு எனும் புதிய பாடல் இன்று (நவம்பர் 7) மாலை 6 மணி அளவில் வெளியாகும் என ப்ரோமோ வீடியோ ஒன்று வெளியிடப்பட்டு அதிகாரப்பூர்வமாக அறிவிக்கப்பட்டுள்ளது.