உலக தமிழ் தொழில் முனைவோர் மாநாட்டின் ஒருங்கிணைப்பாளர் ஜெகத் கஸ்பர் நாகர்கோவிலில் செய்தியாளா் சந்திப்பில். ‘தி ரைஸ்- எழுமின்’ அமைப்பு சார்பில் உலக தமிழ் தொழில் அதிபர்கள் மற்றும் திறனாளர்களின் 14 வது மாநாடு ஜனவரி மாதம் 8-ந் தேதி முதல் 11-ந் தேதி வரை சென்னை ஐ.டி.சி. கிராண்ட் சோழா நட்சத்திர விடுதியில் நடைபெறுகிறது
இதுவரை நடந்த 13 மாநாடுகளில் ஆயிரம் கோடி ரூபாய் வரை வர்த்தகம் நடந்தது. ஓமன் நாட்டில் மட்டும் 35 கம்பெனிகள் தொடங்கப்பட்டு தொழில் நடந்து வருகிறது. மேலும் ஏற்றுமதியும் அதிகரித்துள்ளது. இதன் மூலம் 70-க்கும் மேற்பட்ட தமிழ் தொழில் முனைவோர் பயன் அடைந்தனர். சென்னையில் நடைபெறும் 14 வது மாநாட்டில் தொழில் வணிக அமைப்புகளும், முதலீட்டு நிறுவனங்களும் கலந்து கொள்கிறது. மாநாட்டில் தமிழக அமைச்சர்கள் 7 பேர் வரை பங்கேற்பார்கள் என்று எதிர்பார்க்கப்படுகிறது.
மாநாட்டில் அமெரிக்கா, மலேசியா, சிங்கப்பூர், இந்தோனேசியா, பக்குவாநியுகினியா, நியூசிலாந்து மற்றும் ஆப்ரிக்க உள்பட 40-க்கும் மேற்பட்ட நாடுகளில் இருந்து தொழில் அதிபர்கள் பங்கேற்க உள்ளனர். உலகம் முழுவதும் தமிழர்களின் வணிகத்தை கொண்டு செல்வதே இந்த மாநாட்டின் நோக்கம் ஆகும். நல்ல தொழில் ஆலோசனைகளையும் மாநாட்டில் எடுத்துரைக்கலாம்.
ஏற்றுமதி மற்றும் இறக்குமதி வணிகத்தில் ஈடுபட்டு உள்ளவர்களுக்கு இந்த மாநாடு பெரிய வாய்ப்பாக அமையும். ஐரோப்பிய நாடுகளின் சந்தைகள் மற்றும் வளைகுடா நாடுகள், கனடா, அமெரிக்கா நாடுகளின் சந்தைகளோடு தொடர்புகள் ஏற்படுத்தி ஏற்றுமதி, இறக்குமதி வணிகம் மற்றும் உயர் தொழில்நுட்பம் சார்ந்த வணிகம் செய்ய விரும்புபவர்கள் இந்த மாநாட்டில் பங்கேற்கலாம்.
குமரி மாவட்டத்தைச் சேர்ந்த தொழிலதிபர்களும் இந்த மாநாட்டில் கலந்து கொள்ள வேண்டும். இந்த மாநாட்டில் கலந்து கொள்ள விரும்புவர்கள் summit.tamilrise.org என்ற இணையதளம் மூலமாகவோ 9150060032, 9150060035 என்ற செல்போன் எண்ணை தொடர்பு கொண்டோ பதிவு செய்யலாம். பெண் தொழில்முனைவோர் மாநாட்டில் பங்கேற்க சிறப்பு முன்னுரிமை அளிக்கப்படும். இவ்வாறு அவர் கூறினார்.
வங்கியின் செயல் முறையற்ற சேவைக்கு 30 லட்சம் இழப்பீடு – நுகர்வோர் நீதிமன்றம்