ஹைதராபாத்தில் நடந்த நெரிசலில் சிக்கி பிரபல தெலுங்கு ஸ்டார் அல்லு அர்ஜுன் கைது செய்யப்பட்டுள்ளார். அவர் விசாரணைக்காக சிக்கட்பள்ளி காவல் நிலையத்திற்கு அழைத்துச் செல்லப்பட்டார். ஆனால், சந்தியா திரையரங்கில் நடந்த சம்பவத்திற்கு அல்லு அர்ஜுன் எப்படி பொறுப்பேற்பார் என்பதுதான் எழும் கேள்வி?
டிசம்பர் 4 ஆம் தேதி புஷ்பா-2 திரையிடப்பட்டபோது தியேட்டரில் கூட்ட நெரிசல் ஏற்பட்டது. இந்த நெரிசலில், 35 வயதான பெண் ஒருவர் இறந்தார், அவரது மகன் காயமடைந்தார். அவர்கள் இருவரும் உடனடியாக அருகில் உள்ள மருத்துவமனையில் அனுமதிக்கப்பட்டனர். அங்கு மகனுக்கு தொடர்ந்து சிகிச்சை அளித்து வந்த நிலையில் அந்த பெண் இறந்துவிட்டதாக மருத்துவர் அறிவித்தார். இந்த சம்பவத்திற்குப் பிறகு, அல்லு அர்ஜுன், அவரது பவுன்சர் மற்றும் சந்தியா தியேட்டர் மீது ஹைதராபாத்தில் உள்ள சிக்கட்பல்லி காவல் நிலையத்தில் வழக்கு பதிவு செய்யப்பட்டது.
ஆனால் இந்த சம்பவத்திற்கு அல்லு அர்ஜுன் எப்படி பொறுப்பாவார் என்பது கேள்விக்குறியாகவே உள்ளது. ஏனென்றால், சந்தியா திரையரங்கம் போல் புஷ்பா-2 மற்ற திரையரங்குகளில் திரையிடப்பட்டது. ஆனால் அங்கு அசம்பாவிதம் ஏற்படவில்லை. ஆனால் சந்தியா தியேட்டரில் அல்லு அர்ஜுனை பார்க்க ஏராளமான ரசிகர்கள் குவிந்தனர். இவ்வளவு கூட்டம் கூடும் என அல்லு அர்ஜுனுக்கோ, தியேட்டர் உரிமையாளருக்கோ தெரியவில்லை .
விளைவு அல்லு அர்ஜுன் வந்தவுடன், அங்கு கூட்ட நெரிசல் ஏற்பட்டது. இந்த நெரிசலில் ஒரு பெண் இறந்தார். இதையடுத்து, இது தொடர்பாக பெரும் பரபரப்பு ஏற்பட்டது. இந்த சம்பவத்திற்கு அல்லு அர்ஜுன் வருத்தம் தெரிவித்ததோடு, பாதிக்கப்பட்ட குடும்பத்தாரிடம் மன்னிப்பும் கேட்டுள்ளார். இழப்பீடு மற்றும் சிகிச்சைக்கு பணம் அளிப்பதாகவும் உறுதியளித்தார். அல்லு அர்ஜூன் பாதிக்கப்பட்ட குடும்பத்திற்கு ரூ.25 லட்சத்தை வழங்கியுள்ளார்.
இந்நிலையில் அவர் மீது வழக்கு பதிவு செய்து இன்று அல்லு அர்ஜுனை போலீசார் கைது செய்தனர். அவரிடம் சிக்கட்பள்ளி காவல் நிலையத்தில் விசாரணை நடைபெற்று வருகிறது.
கூட்ட நெரிசலுக்கான காரணம் குறித்து சந்தியா தியேட்டர் நிர்வாகத்துக்கு போலீசார் தகவல் தெரிவித்தனர். அல்லு அர்ஜுன் வருகை குறித்து தியேட்டர் நிர்வாகம் தெரிவிக்கவில்லை என போலீசார் தெரிவித்தனர். அல்லு அர்ஜுன் தனது பவுன்சருடன் உள்ளே சென்று கொண்டிருந்த போது இந்த சம்பவம் நடந்துள்ளது. இந்த சம்பவத்திற்கு தியேட்டர் நிர்வாகமே காரணம் என்ற நிலையில், அல்லு அர்ஜுன் எப்படி கைது செய்யப்பட்டார் என்ற கேள்வி எழுந்துள்ளது.
அல்லு அர்ஜுன் நடித்த ‘புஷ்பா 2’ திரைப்படம் இந்தியா மற்றும் வெளிநாடுகளில் ரூ.1000 கோடிக்கு மேல் வசூல் செய்துள்ளது. அவர் கைது செய்யப்பட்ட பிறகு படத்தின் வசூல் மேலும் அதிகரிக்கும் என எதிர்பார்க்கப்படுகிறது.