‘கூலி’ படத்தின் மொத்த பட்ஜெட் எவ்வளவு தெரியுமா?

கூலி படத்தின் மொத்த பட்ஜெட் பற்றிய விவரம் வெளியாகி உள்ளது.

சூப்பர் ஸ்டார் ரஜினிகாந்த் நடிப்பில் உருவாகி இருக்கும் திரைப்படம் தான் கூலி. இந்த படம் ரஜினியின் 171 வது படமாகும். இதனை சன் பிக்சர்ஸ் நிறுவனம் தயாரிக்க லோகேஷ் கனகராஜ் இந்த படத்தை இயக்கியிருக்கிறார். அனிருத் இந்த படத்திற்கு இசையமைத்துள்ளார். கிரிஷ் கங்காதரன் இந்த படத்திற்கு ஒளிப்பதிவு செய்கிறார். படத்தில் ரஜினியுடன் இணைந்து நாகார்ஜுனா, சத்யராஜ், ஸ்ருதிஹாசன், செளபின் சாகிர், உபேந்திரா ஆகியோர் முக்கிய கதாபாத்திரங்களில் நடித்திருக்கின்றனர். நடிகை பூஜா ஹெக்டே இந்த படத்தில் ஸ்பெஷல் பாடல் ஒன்றுக்கு நடனமாடியுள்ளார். மேலும் பாலிவுட் நடிகராக அமீர்கான் இதில் கேமியோ ரோலில் நடித்திருப்பதாக சொல்லப்படுகிறது. இவ்வாறு இந்த படத்தின் மீதான எதிர்பார்ப்பு மிகப்பெரிய அளவில் இருக்கும் நிலையில் இப்படம் 2025 ஆகஸ்ட் 14ஆம் தேதி திரைக்கு வரும் என அறிவிக்கப்பட்டிருக்கிறது. அதன்படி ஏற்கனவே படப்பிடிப்புகளும் நிறைவடைந்து தற்போது பின் தயாரிப்பு பணிகள் நடைபெற்று வருகின்றன. இந்நிலையில் இந்த படத்தின் பட்ஜெட் பற்றிய விவரம் வெளியாகி இருக்கிறது. அதாவது கூலி படத்திற்காக நடிகர் ரஜினிக்கு மொத்தமாக ரூ. 280 கோடி சம்பளம் பேசப்பட்டிருப்பதாக ஏற்கனவே தகவல் வெளியானது. அந்த வகையில் ரஜினி முன்கூட்டியே ரூ.150 கோடி சம்பளம் வாங்கி இருப்பதாகவும், ரூ. 50 கோடி சம்பளம் வாங்கி இருப்பதாகவும் தகவல் வெளியாகியிருக்கிறது. எனவே படத்தின் மொத்த பட்ஜெட்டானது ரூ. 375 கோடி இருக்கும் என்று தற்போதைய தகவல்கள் தெரிவிக்கின்றன.