ஆட்டம் போட தயாரா மக்களே…. ‘ஜனநாயகன்’ ஃபர்ஸ்ட் சிங்கிள் அப்டேட் வந்தாச்சு!

ஜனநாயகன் படத்தின் ஃபர்ஸ்ட் சிங்கிள் குறித்த அப்டேட் வெளியாகியுள்ளது.பிரபல இயக்குனர் ஹெச். வினோத் இயக்கத்தில் விஜய் நடித்துள்ள படம் தான் ஜனநாயகன். இந்த படம் விஜயின் 69ஆவது படமாகும். இதனை கே.வி.என் ப்ரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். மேலும் இப்படத்தில் விஜயுடன் இணைந்து பாபி தியோல், பூஜா ஹெக்டே, மமிதா பைஜூ, பிரகாஷ்ராஜ், கௌதம் மேனன், பிரியாமணி, நரேன் மற்றும் பலர் நடித்துள்ளனர். இப்படத்தில் விஜய் போலீஸ் அதிகாரியாக நடிக்க இந்த படமானது பொலிட்டிக்கல் ஜானரில் உருவாகி இருப்பதாக சொல்லப்படுகிறது. அதன்படி ஏற்கனவே இந்த படத்தின் படப்பிடிப்புகள் சென்னை, கொடைக்கானல் போன்ற பகுதிகளில் விறுவிறுப்பாக நடைபெற்று முடிந்த நிலையில் படமானது 2026 ஜனவரி 9 பொங்கல் தினத்தை முன்னிட்டு திரைக்கு வர முழு வீச்சில் தயாராகி வருகிறது. இதற்கிடையில் இந்த படத்தில் இருந்து அடுத்தடுத்த போஸ்டர்களும், கிளிம்ப்ஸ் வீடியோவும் வெளியாகி ரசிகர்களை உற்சாகப்படுத்தியது. அடுத்ததாக இந்த படத்தின் ஃபர்ஸ்ட் சிங்கிள் விரைவில் வெளியாகும் என அப்டேட் கிடைத்துள்ளது. அதுமட்டுமில்லாமல் இந்த பாடலுக்கு இப்படத்தின் இசையமைப்பாளர் அனிருத் நடனமாடி இருப்பதாக தற்போதைய தகவல்கள் தெரிவிக்கின்றன. மேலும் இந்த பாடல் விஜய் குரலில் உருவாகி இருக்கலாம் என்றும் மற்ற அப்டேட்கள் விரைவில் வெளியாகும் என்றும் எதிர்பார்க்கப்படுகிறது.