பிரதமர் நரேந்திர மோடியின் வாழ்க்கை வரலாற்று படம் குறித்த அப்டேட் வெளியாகி உள்ளது.
நம் இந்திய பிரதமர் நரேந்திர மோடியின் வாழ்க்கை வரலாற்றை மையமாக வைத்து புதிய படம் ஒன்று உருவாகிறது. இந்த படத்தை சில்வர் காஸ்ட் கிரியேஷன்ஸ் நிறுவனம் தயாரிக்கிறது. இதனை கிராந்தி குமார் எழுதி, இயக்குகிறார். ரவி பஸ்ரூர் இந்த படத்தின் இசையமைப்பாளராகவும், செந்தில்குமார் இதன் ஒளிப்பதிவாளராகவும் பணியாற்றுகின்றனர். ஸ்ரீகர் பிரசாத் இதன் எடிட்டிங் பணிகளை கவனிக்கிறார். மா வந்தே என்ற தலைப்பில் உருவாகும் இந்த படமானது இந்தி, ஆங்கிலம், தெலுங்கு, தமிழ், மலையாளம், கன்னடம், குஜராத்தி, மராத்தி மற்றும் அனைத்து இந்திய மொழிகளிலும் வெளியாக இருக்கிறது. 
இந்த படத்தில் இருந்து புதிய போஸ்டர் இன்று (செப்டம்பர் 17) பிரதமர் மோடியின் பிறந்தநாளை முன்னிட்டு வெளியிடப்பட்டுள்ளது. இந்த போஸ்டர் இணையத்தில் வைரலாகி படத்தின் மீதான எதிர்பார்ப்பை அதிகப்படுத்தி உள்ளது. இந்த படத்தில் பிரபல மலையாள நடிகர் உன்னி முகுந்தன், நரேந்திர மோடியாக நடிக்கிறார் என்று அறிவிக்கப்பட்டுள்ளது.
நடிகர் உன்னி முகுந்தன் மலையாளத்தில் மட்டுமல்லாமல் தமிழ், தெலுங்கு ஆகிய மொழிகளிலும் கவனம் செலுத்தி வருகிறார். அந்த வகையில் தமிழில் சீடன், கருடன் ஆகிய படங்களில் நடித்திருக்கிறார். இது தவிர இவரது நடிப்பில் கடைசியாக வெளியான ‘கெட் செட் பேபி’ திரைப்படம் ரசிகர்கள் மத்தியில் பெரும் வரவேற்பை பெற்றது என்பது குறிப்பிடத்தக்கது.