மழைக்காலத்தில் குடிக்க வேண்டிய மூலிகை தேநீர் வகைகள்!

மழைக்காலத்தில் குடிக்க வேண்டிய மூலிகை தேநீர் வகைகள் பற்றி பார்க்கலாம்.

மழைக்காலத்தில் பலருக்கும் சளி, இருமல், காய்ச்சல் போன்ற பல பிரச்சனைகள் உண்டாகும். எனவே நம் நோய் எதிர்ப்பு சக்தியை அதிகரிப்பதற்காக மூலிகை தேநீர் வகைகளை குடிப்பது நல்லது.

1. இஞ்சி தேநீர்
ஒரு கப் அளவு தண்ணீர், ஒரு அங்குலம் இஞ்சி துண்டு ஆகியவற்றை எடுத்துக் கொள்ள வேண்டும். அதில் இஞ்சி துண்டை நசுக்கி தண்ணீரில் சேர்த்து ஐந்து முதல் ஏழு நிமிடங்கள் கொதிக்க விட வேண்டும். இதில் தேன் அல்லது எலுமிச்சை சாறு கலந்து குடித்தால் சளி, தொண்டை வலி, இருமல் போன்றவை குணமடையும். மேலும் இது செரிமானத்திற்கும் நல்லது. இது உடலை சூடாக்கவும் உதவுகிறது.

2. துளசி தேநீர்
ஒரு கப் அளவு தண்ணீர், ஐந்து முதல் ஆறு துளசி இலைகள் ஆகியவற்றை சேர்த்து கொதிக்க விட வேண்டும். ஐந்து நிமிடங்கள் கொதித்த பின்னர் ஆறவைத்து ஒரு ஸ்பூன் அளவுக்கு தேன் சேர்த்து குடிக்கலாம். இதை காலையில் குடிக்க வேண்டும். ஒரு நாளைக்கு ஒருமுறை போதுமானது. இதை சளி ஆரம்பிக்கும்போது குடித்தால் நல்ல பலன் கிடைக்கும்.

3. இலவங்கப்பட்டை – சுக்கு தேநீர்கால் ஸ்பூன் அளவு சுக்கு பொடி, சிறிய துண்டு இலவங்கப்பட்டை, ஒரு கப் தண்ணீர் ஆகியவற்றை சேர்த்து ஏழு நிமிடங்கள் கொதிக்க விட வேண்டும். இதை மாலை நேரம் தினமும் ஒரு முறை குடித்து வந்தால் உடல் வலி, மூட்டு வலி, கை – கால் குளிர்தல், செரிமான கோளாறு ஆகியவை குறையும்.

4. புதினா – இஞ்சி தேநீர்
ஆறு முதல் ஏழு புதினா இலைகளையும், சிறிய அளவு இஞ்சி மற்றும் ஒரு கப் அளவு தண்ணீரையும் சேர்த்து கொதிக்க வைத்து குடிக்கலாம். இதை மாலை நேரம் குடித்தால் குளிர்காலத்தில் உண்டாகும் மூக்கடைப்பு, மூச்சு விடுவதில் சிரமம் ஆகியவை குறைவதோடு, தொண்டைக்கு புத்துணர்ச்சி கிடைக்கும். செரிமான கோளாறு தீரும்.

5. மிளகு தேநீர்
நான்கு இலைகள் இஞ்சி, சிறிய அளவு ஏலக்காய் பொடி, மிளகு பொடி, பட்டை பொடி, மஞ்சள் தூள், வெல்லம் ஆகியவற்றை எடுத்துக் கொள்ள வேண்டும். இப்பொழுது தண்ணீரில் மேற்கூறிய அனைத்து பொருட்களையும் சேர்த்து கொதிக்க விட்டு வடிகட்டி குடிக்க வேண்டும்.

6. மஞ்சள் தேநீர்
ஒரு கப் அளவு தண்ணீரும், கால் ஸ்பூன் அளவு மஞ்சள் தூள், இரண்டு மிளகு ஆகியவற்றை சேர்த்து கொதிக்கவிட்டு வடிகட்டி, வாரத்தில் மூன்று முதல் நான்கு முறை, இரவு தூங்க சொல்வதற்கு முன்பாக குடிக்க வேண்டும். இதனால் உடல் வலி குறையும். நோய் எதிர்ப்பு சக்தியும் அதிகரிக்கும்.

குறிப்பு:

1. மேற்கண்ட தேநீர் வகைகளை வெறும் வயிற்றில் குடிக்கக் கூடாது.
2. தேநீரில் அதிகம் சர்க்கரை சேர்த்து குடிக்கக்கூடாது.
3. தினமும் ஒன்று முதல் இரண்டு வகை தேநீரை மட்டும் எடுத்துக் கொள்ளலாம். அதிகம் எடுத்துக் கொள்ளக் கூடாது.
இருப்பினும் இது தொடர்பாக வேறு ஏதேனும் சந்தேகம் இருந்தால் மருத்துவரை அணுகி ஆலோசனை பெற்றுக் கொள்வது நல்லது.