தமிழகத்தில் எரிபொருள் தட்டுப்பாடு குறித்த வதந்திகளை நம்ப வேண்டாம் என தமிழ்நாடு பெட்ரோலியம் டீலர்கள் சங்கத்தின் சார்பில் விளக்கம் அளிக்கப்பட்டுள்ளது.
தமிழ்நாடு முழுவதும் பெட்ரோல் மற்றும் டீசல் தட்டுப்பாடின்றி கிடைப்பதை தமிழ்நாடு பெட்ரோலியம் டீலர்கள் சங்கம் (TNPDA) உறுதிப்படுத்துகிறது என அச்சங்கத்தின் தலைவர் K. P. முரளி உறுதியளித்துள்ளாா்.
இது குறித்த அவர் வெளியிட்டுள்ள அறிக்கையில் கூறியிருப்பதாவது, பொதுத்துறை எண்ணெய் நிறுவனங்களான IOCL, BPCL மற்றும் HPCL ஆகியவை அனைத்து சில்லறை விற்பனை நிலையங்களுக்கும் (Retail Outlets) தடையின்றி எரிபொருளை விநியோகம் செய்து வருகின்றன.
தமிழகத்தில் உள்ள அனைத்து பெட்ரோல் நிலையங்களிலும் போதுமான அளவு பெட்ரோல் மற்றும் டீசல் இருப்பு வைக்கப்பட்டுள்ளது என்றும், சமூக வலைதளங்களில் பரவும் தவறான தகவல்களைப் பொதுமக்கள் நம்ப வேண்டாம்.
தட்டுப்பாடு ஏற்படும் என்ற அச்சத்தில் மக்கள் அவசரமாகத் தேவைக்கு அதிகமாக எரிபொருள் நிரப்புவதைத் (Panic Buying) தவிர்க்க வேண்டும். உங்கள் அன்றாடத் தேவைக்கு ஏற்ப வழக்கம் போல எரிபொருளைப் பெற்றுக்கொள்ளலாம்.
பொதுமக்களுக்குத் தடையற்ற மற்றும் நம்பகமான எரிபொருளை வழங்க எங்களின் அனைத்து டீலர்களும், எண்ணெய் நிறுவனங்களும் முழு அர்ப்பணிப்புடன் செயல்பட்டு வருகிறோம் என தமிழ்நாடு பெட்ரோலியம் டீலர்கள் சங்கத்தின் தலைவர் K. P. முரளி தெரிவித்துள்ளாா்.
ஆஸ்திரேலியாவில் தீவிரமடையும் எரிபொருள் தட்டுப்பாடு: 500-க்கும் மேற்பட்ட பெட்ரோல் பங்குகள் மூடல்!