தமிழக அரசியலில் தற்போதைய பேசுபொருளாக மாறியுள்ளது துணை முதல்வர் உதயநிதி ஸ்டாலினின் சமீபத்திய விமர்சனம். அரசு விழாக்களில் முதல்வர் மு.க ஸ்டாலின் கலந்துகொள்வதற்கு முன்பாகவே அங்கு நடக்கும் முன்னேற்பாடுகளைக் கிண்டல் செய்யும் விதமாக அவர் பேசியது அரசியல் வட்டாரத்தில் பரபரப்பை ஏற்படுத்தியுள்ளது.
சமீபகாலமாக முதல்வர் ஸ்டாலின் ஆய்வுக்குச் செல்லும் இடங்கள் அல்லது பொதுக்கூட்டங்களுக்குச் செல்லும் முன்பே, அதிகாரிகள் மற்றும் கட்சி நிர்வாகிகள் மிகைப்படுத்தப்பட்ட சொகுசு வசதிகளைச் செய்வதாகப் புகார்கள் எழுந்தன. குறிப்பாக, முதல்வர் அமர்வதற்காக விலையுயர்ந்த சோஃபாக்கள் மற்றும் பிரத்யேக அலங்காரங்கள் செய்யப்படுவது சமூக வலைதளங்களில் விவாதமானது.
இதனை முன்வைத்து எதிர்க்கட்சிகள் விமர்சனம் செய்து வந்த நிலையில், தற்போது திமுகவின் இரண்டாம் கட்டத் தலைவரான உதயநிதியே இதனை வெளிப்படையாகச் சாடியுள்ளார்.
உதயநிதியின் ‘அட்டாக்’பேச்சு
ஒரு பொது மேடையில் பேசிய உதயநிதி ஸ்டாலின், தேவையில்லாத இந்த ஆடம்பரங்களைக் கடுமையாகச் சாடினார்.
“முதல்வர் ஒரு இடத்திற்குப் போகிறார் என்றால், அவர் வருவதற்கு முன்பே அங்கே பெரிய சோஃபாக்களைக் கொண்டு வந்து போடுகிறார்கள். எளிமையை விரும்பும் தலைவருக்கு இதெல்லாம் தேவையில்லாத ஒன்று.”
“இந்த முன்னேற்பாடுகளையும், அங்கே நடக்கும் களேபரங்களையும் பார்த்தால், அன்று எடப்பாடி பழனிசாமி தரப்பு கூவத்தூரில் நடத்திய கூத்துக்களை விடப் பெரிய கூத்தாகத் தெரிகிறது,” என கிண்டலடித்தார்.
அதிகாரிகளும், கட்சியினரும் தேவையற்ற பந்தாக்களைத் தவிர்த்து, மக்களின் தேவைகளில் கவனம் செலுத்த வேண்டும் என அவர் வலியுறுத்தினார்.
24 மணிநேரத்தில் பறிபோன அரசுப் பதவி: முதலமைச்சர் விஜய்யின் ஜோதிடர் நியமனம் ரத்து!