“பட்ஜெட் அரைகுறையாக இருக்கிறது… மக்கள் உள்ளத்தில் என்றும் ஸ்டாலின்!” – சட்டப்பேரவையில் திமுக உறுப்பினர் அதிரடி பேச்சு! சட்டப்பேரவையில் பட்ஜெட் மீதான விவாதத்தில் பங்கேற்றுப் பேசிய திமுக சட்டமன்ற உறுப்பினர் ரகுபதி, தமிழக அரசு முன்வைக்கும் “மக்கள் பணத்தைத் தொட்டவர்களை விடமாட்டோம்” என்ற முழக்கத்தைக் சுட்டிக்காட்டி, பனையூர் வாரச்சந்தையைக் குறிப்பிட்டுச் சட்டப்பேரவையில் நகைச்சுவையாகவும் காட்டமாகவும் உரையாற்றினார்.
பனையூர் சந்தையில் தொட்டவர்கள்தான் வருகிறார்கள்சட்டப்பேரவை விவாதத்தின் போது பேசிய திமுக எம்.எல்.ஏ. ரகுபதி அரசு தரப்பில் நாங்கள் மக்கள் பணத்தைத் தொட மாட்டோம். இதற்கு முன்னால் தொட்டவர்களையும் சும்மா விடமாட்டோம்’ என்று தொடர்ந்து கூறி வருகிறீர்கள். ஆனால், நடைமுறையில் என்ன நடக்கிறது? வாரம் தோறும் சனிக்கிழமைகளில் பனையூரில் நடைபெறும் வாரச்சந்தையில் பார்த்தால், இதற்கு முன்னாடி மக்கள் பணத்தைத் ‘தொட்டவர்கள்’ எல்லாரும் தான் அங்கே தொடர்ந்து வந்துகொண்டே இருக்கிறார்கள் என்று கிண்டலாகப் பேசிப் பேரவையில் சிரிப்பலையையும் காரசாரமான விவாதத்தையும் ஏற்படுத்தினார்.
“பட்ஜெட் அரைகுறை… மாமன் சீர் தர நிதி போதாது!” தொடர்ந்து தற்போதைய நிதிநிலை அறிக்கை (பட்ஜெட்) குறித்துப் விமர்சித்துப் பேசிய அவர் தற்போது தாக்கல் செய்யப்பட்டுள்ள பட்ஜெட் மிகவும் அரைகுறையாகவே உள்ளது. தாய்மார்களுக்கு மாமன் சீர் வரிசைகளைச் செய்யத் தேவையான அளவிற்குக் கூட இதில் நிதி ஒதுக்கீடு போதுமானதாக இல்லை.
அதேவேளையில், அரசு கொண்டு வரும் ஒவ்வொரு நலத்திட்டங்களின் மூலமாகவும் பயனடையும் தமிழ்நாட்டின் அனைத்து மக்களின் உள்ளங்களிலும் நமது தலைவர் மு.க.ஸ்டாலின் என்றென்றும் நீங்காமல் நிலைத்து நிற்கிறார், என்று தனது பேச்சில் மிக அழுத்தமாகப் பதிவு செய்தார்.
பேரவையில் எழுந்த விவாதம்:
பனையூர் வாரச்சந்தை மற்றும் அரசின் நிதி ஒதுக்கீடு குறித்துத் திமுக உறுப்பினர் ரகுபதி எழுப்பிய குற்றச்சாட்டுகளும், அவற்றுக்கு அவர் அளித்த நயம்படப் பேசிய பதில்களும் சட்டப்பேரவை வளாகத்தில் பெரும் பரபரப்பான விவாதப் பொருளாக மாறியுள்ளன.