மனோஜ் பாஜ்பாயின் ‘கூஸ்கோர் பண்டிட்’ படத்திற்குத் தொடக்கத்திலேயே சிக்கல்: டெல்லி உயர்நீதிமன்றத்தில் வழக்குப்பதிவு!

பிரபல பாலிவுட் நடிகர் மனோஜ் பாஜ்பாய் நடிப்பில் உருவாகும் புதிய படத்திற்குத் தொடக்கத்திலேயே சட்டச்சிக்கல் வெடித்துள்ளது. நெட்ஃபிளிக்ஸ் (Netflix) நிறுவனத்தின் 2026-ஆம் ஆண்டுக்கான திரைப்பட வெளியீட்டு வரிசை நிகழ்வில் அறிவிக்கப்பட்ட இப்படத்தின் தலைப்புக்கு எதிராக டெல்லி உயர்நீதிமன்றத்தில் வழக்குத் தொடரப்பட்டுள்ளது

பெயருக்கு எழுந்த கடுமையான எதிர்ப்பு நெட்ஃபிளிக்ஸ் வெளியீட்டு நிகழ்வில் அறிவிக்கப்பட்ட உடனே, இப்படத்திற்கு ‘கூஸ்கோர் பண்டிட்’ (Ghooskhor Pandat) என்று பெயரிடப்பட்டிருப்பது சமூக வலைதளங்களிலும் திரை வட்டாரத்திலும் பெரும் சர்ச்சையைக் கிளப்பியது இத்தலைப்பு ஒரு குறிப்பிட்ட சமூகத்தின் பெயரைக் களங்கப்படுத்தும் விதமாகவும், சமூக நல்லிணக்கத்தைக் குலைக்கும் வகையிலும் உள்ளதாகக் கூறி டெல்லி உயர்நீதிமன்றத்தில் பொதுநல மனு தாக்கல் செய்யப்பட்டது மனுதாரர் தரப்பு வாதம்

மனுதாரர் தரப்பில் ஆஜரான வழக்கறிஞர்கள், லஞ்சம் மற்றும் ஊழலைக் குறிக்கும் ‘கூஸ்கோர்’ என்ற வார்த்தையுடன் ‘பண்டிட்’ என்ற சமூக அடையாளத்தைக் குறிப்பிடும் சொல் இணைக்கப்பட்டிருப்பது ஒட்டுமொத்த சமூகத்தின் சுயமரியாதையைக் குறைக்கும் செயல் என்று வாதிட்டனர் மேலும், படைப்புச் சுதந்திரம் என்ற பெயரில் மத மற்றும் சமூக உணர்வுகளைப் புண்படுத்தும் வகையில் இதுபோன்ற தலைப்புகளைப் பயன்படுத்துவதை ஏற்க முடியாது என்றும், உடனடியாக இப்படத்தின் வெளியீட்டிற்குத் தடை விதிக்க வேண்டும் என்றும் மனுவில் கோரப்பட்டிருந்தது

திரைத்துறையில் தொடரும் விவாதங்கள்
வெளியீட்டு அறிவிப்பு வெளியாகி பெரும் எதிர்பார்ப்பை ஏற்படுத்தியிருந்த இந்தப் படம், தலைப்புச் சர்ச்சையின் காரணமாகத் தற்போதைய சட்ட நடவடிக்கைகளில் சிக்கியுள்ளது ஓடிடி தளங்களில் வெளியாகும் படைப்புகளின் தலைப்புகள் மற்றும் உள்ளடக்கங்கள் மீது கடுமையான கட்டுப்பாடுகள் மற்றும் நெறிமுறைகள் கொண்டுவரப்பட வேண்டும் என்ற கோரிக்கையையும் இந்த விவகாரம் மீண்டும் எழுப்பியுள்ளது. நீதிமன்றத்தின் அடுத்தடுத்த நகர்வுகள் சினிமா வட்டாரத்தில் பெரும் எதிர்பார்ப்பை ஏற்படுத்தியுள்ளன.

திரைத்துறையில் திருப்புமுனை: அக்டோபர் 15-ல் உலகமெங்கும் வெளியாகிறது ‘ஜெயிலர் 2’!