தமிழக வெற்றிக் கழகத்தின் (தவெக) தேர்தல் அறிக்கையில் வாக்குறுதியாக அளிக்கப்பட்ட ‘அன்னபூரணி சூப்பர் சிக்ஸ்’ திட்டத்தின் கீழ் அறிவிக்கப்பட்ட 6 இலவச சிலிண்டர்கள் தற்போது 3 ஆகக் குறைக்கப்பட்டுள்ளதா என்றும், மீதமுள்ள மூன்று சிலிண்டர்களின் நிலை என்ன என்றும் அம்மா மக்கள் முன்னேற்றக் கழகப் (அமமுக) பொதுச்செயலாளர் டிடிவி தினகரன் கேள்வி எழுப்பியுள்ளார். 
டிடிவி தினகரன் சாடல்செய்தியாளர்களைச் சந்தித்த டிடிவி தினகரன், தவெகவின் தேர்தல் வாக்குறுதிகள் தொடர்பாகக் கடுமையாக விமர்சித்துப் பேசினார்.
அப்போது அவர் தெரிவித்த முக்கியக் கருத்துகள்:
வாக்குறுதி குறைப்பு: தேர்தல் பிரசாரத்தின் போது ‘அன்னபூரணி சூப்பர் சிக்ஸ்’ திட்டத்தின் மூலம் ஆண்டிற்கு 6 இலவச சமையல் எரிவாயு சிலிண்டர்கள் வழங்கப்படும் என தவெக வாக்குறுதி அளித்திருந்தது. ஆனால் தற்போது அது 3 ஆகக் குறைக்கப்பட்டுள்ளதாகத் தகவல்கள் வருகின்றன
மீதமுள்ள சிலிண்டர்கள் நிலை என்ன?: 6 சிலிண்டர்கள் தருவதாகக் கூறிவிட்டு தற்போது 3 சிலிண்டர்கள் மட்டுமே வழங்கப்படும் என்றால், வாக்குறுதி அளிக்கப்பட்ட மீதமுள்ள 3 சிலிண்டர்களின் நிலை என்ன? அது கேள்விக்குறிதானா?
மக்களை ஏமாற்றும் நடவடிக்கை: தேர்தல் நேரத்தில் கவர்ச்சிகரமான வாக்குறுதிகளை வழங்கிவிட்டு, ஆட்சிக்கு வந்த பிறகு அதனை அரைகுறையாகச் செயல்படுத்துவது மக்களை ஏமாற்றும் செயலாகும்.
வாக்குறுதி அளித்தபடி ஆண்டிற்கு 6 சிலிண்டர்களையும் தங்குதடையின்றி குடும்பங்களுக்கு வழங்கிட அரசு நடவடிக்கை எடுக்க வேண்டும் என்றும் அவர் வலியுறுத்தினார்.