சுற்றுச்சூழலுக்கு உகந்த வாகன தயாரிப்பில் முன்னணி வகிக்கும் பிஒய்டி (BYD) நிறுவனம், தனது அதிநவீன ‘DM-i’ (Dual Mode Intelligent) தொழில் நுட்பம் கொண்ட புதிய பிளக்-இன் ஹைப்ரிட் (PHEV) காரை அறிமுகப்படுத்தியுள்ளது.
மாறுபட்ட ஹைப்ரிட் தொழில்நுட்பம்
சாதாரண ஹைப்ரிட் கார்களில் பெட்ரோல் எஞ்சின் முதன்மையாகவும், எலக்ட்ரிக் மோட்டார் துணை ஆதாரமாகவும் இருக்கும். ஆனால், BYD DM-i கார் முற்றிலும் மாறுபட்டு, முதன்மையாக எலக்ட்ரிக் வாகனமாகவே (EV) இயங்கும் வகையில் வடிவமைக்கப்பட்டுள்ளது. இதில் பெட்ரோல் எஞ்சின் பேக்கப் ஆதாரமாக மட்டுமே செயல்படுகிறது.
1.5 லிட்டர் எஞ்சின் மற்றும் செயல்பாடு
இந்த காருக்காகவே சிறப்பாக 1.5 லிட்டர் ஆட்கின்சன் (Atkinson) பெட்ரோல் எஞ்சின் உருவாக்கப்பட்டுள்ளது. இது பெரும்பாலான நேரங்களில் ஒரு ஜெனரேட்டர் போல செயல்பட்டு, காரின் பேட்டரியை சார்ஜ் செய்ய மட்டுமே பயன்படும். மிக அதிக பவர் தேவைப்படும் நேரங்களில் மற்றும் பவர் டிரெயின் மிஸ் ஆகும் சந்தர்ப்பங்களில் மட்டுமே பெட்ரோல் நேரடியாக வாகனத்தை இயக்கும்.
மைலேஜ் மற்றும் ரேஞ்ச் விவரங்கள்
எரிபொருள் சிக்கனம்: 100 கிலோமீட்டருக்கு வெறும் 4.2 லிட்டர் முதல் 6 லிட்டர் வரை மட்டுமே பெட்ரோல் செலவாகும் எனத் தெரிவிக்கப்பட்டுள்ளது.
1200 கி.மீ மைலேஜ்: பேட்டரியை முழுமையாக சார்ஜ் செய்து, பெட்ரோல் டேங்கையும் நிரப்பினால் சுமார் 1,200 கி.மீ தூரம் வரை பயணிக்க முடியும்.
சோதனையின்போது, 100 கி.மீ தூரத்திற்குச் சுமார் 4.2 kWh மின்சாரமும், சராசரியாக 2 லிட்டர் பெட்ரோலும் நுகரப்படுவதாகப் பதிவு செய்யப்பட்டுள்ளது.
வடிவமைப்பு மற்றும் LFP பேட்டரி பாதுகாப்பு
ஐசி எஞ்சின் (ICE) மற்றும் எலக்ட்ரிக் மோட்டார் ஆகிய இரண்டும் பொருத்தப்பட்டுள்ளதால், இந்த கார் அளவில் மிகவும் பிரம்மாண்டமாகக் காட்சிளிக்கிறது. இதில் வெப்பத்தைக் கட்டுப்படுத்தும் பாதுகாப்பான LFP (Lithium Iron Phosphate) பேட்டரிகள் பயன்படுத்தப்பட்டுள்ளன. அமைதியான இயக்கம், அதிக பாதுகாப்பு மற்றும் வேகமான ஆக்சிலரேஷன் ஆகியவை இதன் முக்கிய அம்சங்களாகும்.
உட்புறத் தொழில்நுட்ப வசதிகள் (Tech Features)
சுழலும் டிஸ்ப்ளே: காரின் இன்போடெயின்மென்ட் சிஸ்டத்தை ஒரே பட்டன் மூலம் போர்ட்ரெய்ட் மற்றும் லேண்ட்ஸ்கேப் கோணங்களில் மாற்றிக்கொள்ளலாம்.
3D கேமராக்கள்: நாற்புறமும் பொருத்தப்பட்டுள்ள கேமராக்கள் மூலம் காரைச் சுற்றியுள்ள பகுதிகளை 3D ஆங்கிளில் துல்லியமாகப் பார்க்க முடியும்.
ஸ்மார்ட் சார்ஜிங்: குறிப்பிட்ட நேரத்தில் சார்ஜ் செய்யும் ஷெட்யூல் வசதி மற்றும் தேவைக்கு ஏற்ப தானாகவே கட்டாஃப் (Cut-off) ஆகும் வசதியும் உள்ளது.
பல்வேறு டிரைவிங் மோடுகள்: எக்கோ, நார்மல், ஸ்போர்ட்ஸ் தவிர பனிப்பகுதிகளுக்கு ‘ஸ்னோஃபீல்ட்’, பாலைவனத்திற்கு ‘சாண்டிலாண்ட்’ மற்றும் சேற்றுச் சாலைகளுக்கு ‘மட்டிலாண்ட்’ ஆகிய மோடுகள் வழங்கப்பட்டுள்ளன.
அடோஸ் (ADAS) பாதுகாப்பு: இன்டெலிஜென்ட் க்ரூஸ் கன்ட்ரோல், பார்க்கிங் அசிஸ்ட் மற்றும் ரீஜெனரேட்டிவ் பிரேக்கிங் அளவை மாற்றியமைக்கும் தொழில்நுட்பங்களும் இதில் இடம்பெற்றுள்ளன.
அதிநவீன தொழில் நுட்பங்களுடன் தயாராகியுள்ள இந்த காரின் விற்பனை மற்றும் அதிகாரப்பூர்வ விலை விவரங்கள் விரைவில் அறிவிக்கப்படும் என எதிர்பார்க்கப்படுகிறது.