மாநகர, நகர, விரைவு மற்றும் மலைப்பகுதிப் பேருந்துகளிலும் துணையாளருடன் இலவசமாகப் பயணிக்கலாம்
தனித்துச் செல்ல இயலாத மாற்றுத்திறனாளிகள் தங்கள் துணையாளருடன் அரசுப் பேருந்துகளில் இலவசமாகப் பயணிக்கும் திட்டம் மேலும் விரிவாக்கப்படும் என்று அமைச்சர் ஜெகதீஸ்வரி தெரிவித்துள்ளார்.
சட்டப்பேரவையில் இன்று நடைபெற்ற மானியக் கோரிக்கை மீதான விவாதத்தின் போது, மாற்றுத்திறனாளிகள் நலன் சார்ந்த முக்கிய அறிவிப்புகளை அமைச்சர் முன்வைத்தார்.
திட்டத்தின் முக்கிய அம்சங்கள்:
UDID அட்டை பயன்பாடு: தேசிய மாற்றுத்திறனாளி அடையாள அட்டை (UDID) வைத்துள்ள, தனித்துச் செல்ல இயலாத மாற்றுத்திறனாளிகள் இச்சலுகையைப் பெறலாம்.
துணையாளருக்குக் கட்டணமில்லை: மாற்றுத்திறனாளியுடன் வரும் ஒரு துணையாளரும் இனி கட்டணமின்றி அரசுப் பேருந்துகளில் பயணிக்க அனுமதிக்கப்படுவர்.
விரிவுபடுத்தப்படும் பேருந்து சேவைகள்: இத்திட்டம் மாநகர மற்றும் நகரப் பேருந்துகள் மட்டுமின்றி, விரைவுப் பேருந்துகள் (Express), டீலக்ஸ் (Deluxe), புறநகர் மற்றும் மலைப்பகுதிப் பேருந்துகளுக்கும் விரிவாக்கம் செய்யப்படும்.
அரசுப் பேருந்துகளில் மாற்றுத்திறனாளிகளின் பயணத்தை மேலும் எளிதாக்கும் வகையில் கொண்டுவரப்பட்டுள்ள இந்த அறிவிப்புக்கு மாற்றுத்திறனாளிகள் அமைப்பினரும் பொதுமக்களும் வரவேற்பு தெரிவித்துள்ளனர்.
தவெக – காங்கிரஸ் கூட்டணியில் விரிசல்? அரசியல் விமர்சகர் சுரேஷ் குமார் அதிர்ச்சி தகவல்!