சென்னை நாளை Red Zone! துணை குடியரசுத் தலைவர் வருகையால் ட்ரோன்களுக்கு தடை

சென்னையில் நாளை (செப்டம்பர் 5) முக்கிய பாதுகாப்பு கட்டுப்பாடுகள் அமல்படுத்தப்பட உள்ளன. குடியரசுத் துணைத் தலைவர் சி.பி. ராதாகிருஷ்ணன் சென்னையில் பல்வேறு நிகழ்ச்சிகளில் பங்கேற்க உள்ளதை முன்னிட்டு, அவர் செல்லும் முக்கிய பகுதிகள் மற்றும் வழித்தடங்கள் சிவப்பு மண்டலமாக அறிவிக்கப்பட்டுள்ளன.

எந்தெந்த பகுதிகள் Red Zone?

மீனம்பாக்கம் விமான நிலையம், கிண்டி, நுங்கம்பாக்கம் உள்ளிட்ட பகுதிகள் மற்றும் குடியரசுத் துணைத் தலைவர் பயணிக்கும் சாலை வழித்தடங்கள் செப்டம்பர் 5-ம் தேதி Red Zone-ஆக இருக்கும்.

கிண்டியில் உள்ள நட்சத்திர ஹோட்டல் மற்றும் நுங்கம்பாக்கம் வள்ளுவர் கோட்டம் உள்ளிட்ட இடங்களில் நடைபெறும் நிகழ்ச்சிகளில் குடியரசுத் துணைத் தலைவர் பங்கேற்க உள்ளார்.

ட்ரோன்களுக்கு அதிரடி தடை

பாதுகாப்பு காரணங்களுக்காக Red Zone பகுதிகளில் ட்ரோன்கள் மற்றும் ட்ரோன் கேமராக்களை பறக்கவிட காவல்துறை தடை விதித்துள்ளது.

அதுமட்டுமின்றி, ரிமோட் மூலம் இயக்கப்படும் மைக்ரோ லைட் விமானங்கள், பாரா கிளைடர்கள், பாரா மோட்டார்கள், ஹேங் கிளைடர்கள் மற்றும் ஹாட் ஏர் பலூன்கள் போன்ற பறக்கும் கருவிகளுக்கும் தடை விதிக்கப்பட்டுள்ளது.

அரசு சார்ந்த பாதுகாப்பு மற்றும் அதிகாரப்பூர்வ ஏற்பாடுகளுக்கு மட்டும் விதிவிலக்கு அளிக்கப்படும் என தெரிவிக்கப்பட்டுள்ளது.

பொதுமக்கள் கவனத்திற்கு

செப்டம்பர் 5-ம் தேதி இந்த பகுதிகளில் வசிப்பவர்கள் மற்றும் பயணம் மேற்கொள்பவர்கள் பாதுகாப்பு கட்டுப்பாடுகளை கருத்தில் கொண்டு செயல்படுமாறு அறிவுறுத்தப்பட்டுள்ளது.

குறிப்பாக ட்ரோன் வைத்திருப்பவர்கள், புகைப்படம் மற்றும் வீடியோ பதிவு செய்யும் நபர்கள் Red Zone பகுதிகளில் ட்ரோன்களை இயக்கக்கூடாது. தடையை மீறி பறக்கும் கருவிகளை இயக்குவது பாதுகாப்பு நடவடிக்கைகளுக்கு இடையூறாக அமையக்கூடும் என்பதால் காவல்துறையின் உத்தரவை கடைபிடிக்க வேண்டியது அவசியம்.

பாதுகாப்பு ஏற்பாடுகள் தீவிரம்

குடியரசுத் துணைத் தலைவரின் வருகையை முன்னிட்டு சென்னை பெருநகர காவல்துறை பாதுகாப்பு ஏற்பாடுகளை தீவிரப்படுத்தியுள்ளது.

விமான நிலையம் முதல் நிகழ்ச்சி நடைபெறும் இடங்கள் மற்றும் அவர் செல்லும் வழித்தடங்கள் வரை பாதுகாப்பு கண்காணிப்பு மேற்கொள்ளப்பட உள்ளது.

இதனால் சென்னையில் நாளை சில பகுதிகளில் வழக்கத்தைவிட அதிகமான பாதுகாப்பு நடவடிக்கைகள் மற்றும் போக்குவரத்து கட்டுப்பாடுகள் இருக்க வாய்ப்புள்ளது. பொதுமக்கள் காவல்துறையின் அறிவுறுத்தல்களுக்கு ஒத்துழைக்குமாறு கேட்டுக்கொள்ளப்படுகின்றனர்.

தூய்மைப் பணியாளர்கள் போராட்டம்: அமைச்சர்கள் ஆனந்த், ஆதவ் அர்ஜுனா, ராஜ்மோகன், நிர்மல் குமார் தலைமையில் பேச்சுவார்த்தை!