பெரம்பூர்: மனு அளித்த பெண்களின் கோரிக்கையை நிறைவேற்றிய முதலமைச்சர் விஜய்!

சுய தொழில் தொடங்கக் கேட்ட 16 பெண்களுக்கு உடனடியாகத் தையல் இயந்திரங்கள் வழங்கி உத்தரவு

பெரம்பூர் சட்டமன்ற உறுப்பினர் அலுவலகத்தில் சுய தொழில் தொடங்க உதவி கேட்டு மனு அளித்த ஏழைப் பெண்களுக்கு, உடனடியாகத் தையல் இயந்திரங்களை வழங்கி முதலமைச்சர் விஜய் உத்தரவிட்டுள்ளார்.

முதலமைச்சரிடம் நேரில் அளிக்கப்பட்ட மனு
சென்னை பெரம்பூர் பகுதிக்கு உட்பட்ட ஏழை, எளிய குடும்பங்களைச் சேர்ந்த 16 பெண்கள், தங்கள் குடும்ப வாழ்வாதாரத்தைப் பெருக்கவும் சுய தொழில் தொடங்கவும் நிதியுதவி அல்லது தையல் இயந்திரங்கள் வழங்கி உதவுமாறு முதலமைச்சர் விஜயின் சட்டமன்ற உறுப்பினர் அலுவலகத்தில் நேரில் வந்து மனு அளித்திருந்தனர்.

உடனடி நடவடிக்கை
பொதுமக்களின் மனுக்களைப் பரிசீலித்த முதலமைச்சர் விஜய், மனு அளித்த 16 பெண்களுக்கும் அவர்களின் வாழ்வாதாரத்தை மேம்படுத்தும் வகையில் உடனடியாக அரசு சார்பில் தையல் இயந்திரங்களை வழங்க அதிகாரிகளுக்கு உத்தரவிட்டார்.

முதலமைச்சரின் உத்தரவைத் தொடர்ந்து, பயனாளிகளான 16 பெண்களுக்கும் தையல் இயந்திரங்கள் முறைப்படி வழங்கப்பட்டன.

மனு அளித்த சில நாட்களிலேயே கோரிக்கையை ஏற்று உடனடியாகத் தையல் இயந்திரங்கள் வழங்கப்பட்டதால், அப்பெண்கள் முதலமைச்சர் விஜய்க்குத் தங்களது நெஞ்சார்ந்த நன்றியையும் மகிழ்ச்சியையும் தெரிவித்துக் கொண்டனர்.

சட்டப்பேரவை நிகழ்வுகளை நேரில் காண ஆர்வத்துடன் தலைமைச் செயலகம் வந்த பள்ளி மாணவர்கள்!