சென்னை விமான நிலையத்தை நிர்வகிக்கும் முறையை மாற்றிவிட்டு அதனைத் தனியார்மயமாக்கக் கோரி பிரதமர் நரேந்திர மோடிக்கு முதல்வர் விஜய் கடிதம் எழுதியுள்ள தகவல் வெளியாகியுள்ளது.
இதற்கு இந்திய கம்யூனிஸ்ட் கட்சி உள்ளிட்ட எதிர்க்கட்சிகள் கடும் கண்டனம் தெரிவித்துள்ளன.
அதிர்ச்சித் தகவல்: சென்னை விமான நிலைய நிர்வாகத்தைத் தனியாருக்கு மாற்றக் கோரி பிரதமர் மோடிக்கு முதல்வர் விஜய் கடிதம்!
சிபிஎம் கடும் கண்டனம்: பொதுத்துறை சொத்தை தனியாரிடம் ஒப்படைக்கக் கோருவதா என மார்க்சிஸ்ட் கட்சி அதிர்ச்சி!
முரண்பட்ட கொள்கை: கல்வி உரிமையை மாநிலப் பட்டியலுக்குக் கேட்கும் அரசு, பொதுத்துறை விமான நிலையத்தைத் தனியாருக்குத் தாரை வார்க்கலாமா எனக் கேள்வி!
விவகாரத்தின் பின்னணி
தொழில் முதலீடுகளை அதிக அளவில் ஈர்க்கும் தமிழ்நாட்டிற்கு சர்வதேச அளவிலான மேம்பட்ட விமான நிலைய உள்கட்டமைப்பு அவசியமாகக் கருதப்படுகிறது.
இந்நிலையில், சென்னை விமான நிலையத்தை நிர்வகித்து வரும் இந்திய விமான நிலைய ஆணையத்தின் (AAI) நிர்வாகத்திற்குப் பதிலாக வேறு ஒரு தனியார் ஆபரேட்டரை அல்லது நிர்வாகத்தைக் கொண்டு வர வேண்டும் என்று கோரி, பிரதமர் நரேந்திர மோடிக்கு தமிழக முதல்வர் விஜய் கடந்த மாதம் கடிதம் எழுதியுள்ளதாகத் தகவல்கள் வெளியாகியுள்ளன.
அரசியல் கட்சிகளின் எதிர்ப்பு மற்றும் விவாதம்பொதுத்துறை நிறுவனமாக இயங்கி வரும் சென்னை விமான நிலையத்தை முழுமையாகவோ அல்லது நிர்வாக ரீதியாகவோ தனியாருக்கு மாற்றக் கோரி ஒரு மாநிலத்தின் முதலமைச்சரே கடிதம் எழுதியிருப்பது தமிழக அரசியல் வட்டாரத்தில் பெரும் விவாதத்தையும் பரபரப்பையும் ஏற்படுத்தியுள்ளது.
இதற்கு எதிர்ப்பு தெரிவித்துள்ள மார்க்சிஸ்ட் கம்யூனிஸ்ட் கட்சி மற்றும் இந்திய கம்யூனிஸ்ட் கட்சித் தலைவர்கள், மக்களின் பொதுவான சொத்துக்களைத் தனியாருக்குத் தாரைவார்ப்பது சாியா என்றும், சேவைகளில் குறைபாடுகள் இருந்தால் அதனைச் சரிசெய்ய வேண்டுமே தவிர, மொத்தமாகத் தனியார் மயமாக்குவது தீர்வாகாது என்றும் கடுமையாக விமர்சித்து வருகின்றனர்.
ஒரே நாளில் 8 கொலைகள்.. ரத்தக் களறியான தமிழகம்! அடுத்தடுத்து அரங்கேறிய கொடூரங்களால் அதிரும் மக்கள்!