ஜெம் கிரானைட்ஸ் நிறுவன உரிமையாளர் வீரமணி மீதான பாலியல் மற்றும் போக்சோ வழக்குத் தொடர்பாக, திமுக முன்னாள் அமைச்சர் ரகுபதி மற்றும் அமைச்சர் ராஜ்மோகன் இடையே எழுந்துள்ள கருத்து மோதல்களும் வாதங்களும் தமிழக அரசியலில் பெரும் பரபரப்பை ஏற்படுத்தியுள்ளன.
முன்னாள் அமைச்சர் ரகுபதியின் விளக்கம்: வழக்குப்பதிவு:
ஜெம் வீரமணி மீதான புகாரில் போதிய மற்றும் தெளிவான ஆதாரங்கள் மற்றும் சாட்சிகள் ஆரம்பத்தில் கிடைக்காததால், மேல் நடவடிக்கை எடுப்பதில் தாமதம் ஏற்பட்டதே தவிர, வழக்கை முழுமையாக மூடிவிடவில்லை. ஆரம்பத்தில் வீரமணி மீது FIR பதிவு செய்ததே திமுக ஆட்சிதான்.
திமுக தொடர்பு மறுப்பு:
ஜெம் வீரமணிக்கும் திமுகவிற்கும் எந்தவிதத் தொடர்பும் இல்லை. இந்த விவகாரத்தில் தவறு செய்தவர்கள் யாராக இருந்தாலும் அவர்கள் சட்டத்தின் முன் நிறுத்தப்பட்டு தண்டிக்கப்பட வேண்டும் என்பதில் மாற்றுக் கருத்து இல்லை என்றார்.
அமைச்சர் ராஜ்மோகனின் அதிரடி விமரிசனம்:
ஆதாரங்கள் குறித்த கேள்வி: ஜெம் வீரமணி மீதான புகாரில் உரிய விசாரணை நடத்த உயர் தரத்திலான (HD) வீடியோ தேவையா? என்ற கேள்வியை எழுப்பிய அமைச்சர் ராஜ்மோகன், முந்தைய ஆட்சியில் வேண்டுமென்றே இந்த வழக்கை மூடி மறைக்க முயன்றதாகக் குற்றம்சாட்டினார்.
பணம் கைமாறியதாகக் குற்றச்சாட்டு:
உலகையே உலுக்கிய ‘எப்ஸ்டீன்’ வழக்கு போல இந்த வழக்கு மாறியுள்ளதாகவும், இதனை மூடி மறைப்பதற்காகப் பல கோடி ரூபாய் கைமாறி பலரின் வாய்கள் அடைக்கப்பட்டதாகவும் பகீர் தகவலைத் தெரிவித்தார்.
தற்போதைய அரசின் நடவடிக்கை:
தற்போதைய தவெக அரசு இந்த வழக்கில் எந்தவிதத் தாமதமும் செய்யவில்லை என்றும், குற்றம் செய்தவர்கள், பாதிக்கப்பட்டவர்கள் மட்டுமின்றி இதற்கு உடந்தையாக இருந்த அதிகார வர்க்கம் மற்றும் அரசியல் முகங்களையும் சட்டத்தின் முன் வெளிச்சம் போட்டுக் காட்டுவோம் என்றும் ராஜ்மோகன் தெரிவித்தார்.
ஜெம் வீரமணி விவகாரம் தொடர்பாக இரு தரப்புத் தலைவர்களும் மாறி மாறி வைத்துள்ள குற்றச்சாட்டுகள் தமிழக அரசியலில் பெரும் விவாதப் பொருளாக மாறியுள்ளது.
மின்னகத்தில் முதலமைச்சர் திடீர் ஆய்வு: மின்வெட்டு புகார்கள் மீது உடனடி நடவடிக்கை எடுக்க உத்தரவு!