Homeசெய்திகள்ஆன்மீகம்பழனி முருகன் கோவிலில் கந்த சஷ்டி விழா: வள்ளி, தெய்வானையுடன் முருகப்பெருமான் திருக்கல்யாணம் கோலாகலம்! –...

பழனி முருகன் கோவிலில் கந்த சஷ்டி விழா: வள்ளி, தெய்வானையுடன் முருகப்பெருமான் திருக்கல்யாணம் கோலாகலம்! – ஏராளமான பக்தர்கள் பங்கேற்று தரிசனம்!

-

- Advertisement -

திண்டுக்கல் மாவட்டம் பழனி அருள்மிகு தண்டாயுதபாணி சுவாமி திருக்கோவிலில் கந்த சஷ்டி திருவிழாவை முன்னிட்டு முருகப்பெருமான் – வள்ளி, தெய்வானை திருக்கல்யாண வைபவம் வெகு விமரிசையாக நடைபெற்றது. இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.பழனி முருகன் கோவிலில் கந்த சஷ்டி விழா: வள்ளி, தெய்வானையுடன் முருகப்பெருமான் திருக்கல்யாணம் கோலாகலம்! – ஏராளமான பக்தர்கள் பங்கேற்று தரிசனம்!

சிறப்பு அபிஷேகங்கள் மற்றும் அலங்காரம்!

கந்த சஷ்டி விழாவையொட்டி பழனி மலைக்கோவிலில் உள்ள அலங்கரிக்கப்பட்ட மண்டபத்தில் முருகப்பெருமான் வள்ளி, தெய்வானையுடன் எழுந்தருளினார். இதனைத் தொடர்ந்து சுவாமிக்கு பால், பன்னீர், பஞ்சாமிர்தம் உள்ளிட்ட பல்வேறு அபிஷேகப் பொருட்களைக் கொண்டு சிறப்பு அபிஷேகங்கள் நடைபெற்றன.

பின்னர் முருகப்பெருமானுக்கு சிறப்பு அலங்காரம் செய்யப்பட்டு, மகா தீபாராதனை நடைபெற்றது. அப்போது பக்தர்கள் பக்திப் பரவசத்துடன் அரோகரா கோஷம் எழுப்பி முருகப்பெருமானை வழிபட்டனர்.

வள்ளி, தெய்வானையுடன் முருகப்பெருமான் திருக்கல்யாணம்!

இதனைத் தொடர்ந்து வள்ளி, தெய்வானை ஆகிய இருவரையும் முருகப்பெருமானுக்கு திருமணம் செய்து வைக்கும் திருக்கல்யாண வைபவம் பாரம்பரிய முறைப்படி சிறப்பாக நடைபெற்றது.

இந்தத் திருக்கல்யாண நிகழ்வைக் காண பழனி மற்றும் சுற்றுவட்டாரப் பகுதிகள் மட்டுமின்றி பல்வேறு ஊர்களிலிருந்தும் ஏராளமான பக்தர்கள் வருகை தந்திருந்தனர். திருக்கல்யாண வைபவத்தைப் பக்தர்கள் பக்தியுடன் கண்டு முருகப்பெருமானை தரிசனம் செய்தனர்.

பக்தர்களுக்கு திருமண விருந்து!

திருக்கல்யாண வைபவம் நிறைவடைந்ததைத் தொடர்ந்து கோவில் நிர்வாகம் சார்பில் பக்தர்களுக்கு திருமண விருந்து வழங்கப்பட்டது. கந்த சஷ்டி திருவிழாவையொட்டி நடைபெற்ற இந்தத் திருக்கல்யாண நிகழ்வு பழனி கோவிலில் ஆன்மிக உற்சாகத்தையும் பக்திப் பரவசத்தையும் ஏற்படுத்தியது.

பழனி முருகன் கோயிலில் காப்பு கட்டுதலுடன் கந்த சஷ்டி விழா தொடக்கம் – நவம்பர் 15-ல் சூரசம்ஹாரம், 16-ல் திருக்கல்யாணம்!

MUST READ