பள்ளிகள் திறப்பையொட்டி சிறப்பு பேருந்துகள் இயக்கம்
தமிழகத்தில் பள்ளிகள் திறப்பையொட்டி வெளியூர்களில் இருண்சிறப்பு பேருந்துகள் இயக்கப்பட இருப்பதாக போக்குவரத்து கழகம் அறிவித்துள்ளது.
ஜூன் 1- ஆம் தேதி பள்ளிகள் திறக்கப்படும் என முதலில் அறிவிக்கப்பட்டிருந்த நிலையில், வெயிலின் தாக்கம் அதிகமாக இருப்பதால், மாணவர்களின் நலன் கருதி பள்ளிகள் திறப்பு தள்ளி வைக்கப்பட்டுள்ளது. அதன்படி, தமிழகத்தில் உள்ள அனைத்து அரசு, அரசு உதவிபெறும், தனியார் பள்ளிகள் அனைத்தும் ஜூன் 7- ஆம் தேதி திறக்கப்படும். ஒன்றாம் வகுப்பு முதல் பன்னிரண்டாம் வகுப்பு வரை ஜூன் 7- ஆம் தேதி பள்ளிகள் திறக்கப்படும் என பள்ளிக்கல்வித்துறை சார்பில் அறிவிக்கப்பட்டுள்ளது.
கோடை விடுமுறைக்கு மாணவர்கள் அவரவர் சொந்த ஊர்களுக்கும், சுற்றுலாவுக்கும் வெளியூர்களுக்கு செல்வது வழக்கம். எனவே பள்ளிகள் திறப்பை முன்னிட்டு ஜூன் 7 ஆம் தேதி கோவை, திருச்சி, மதுரை, சேலத்தில் இருந்து முக்கிய ஊர்களுக்கு 2,200 பேருந்துகள் இயக்கப்படும் என போக்குவரத்து கழகம் அறிவித்துள்ளது. மதுரை, திருச்சியில் இருந்து முன்பதிவில்லாத பேருந்துகளும் இயக்கப்படவுள்ளன.