விக்ரம் பிரபு நடிக்கும் புதிய படத்தின் ஃபர்ஸ்ட் லுக் குறித்த அப்டேட் வெளியாகியுள்ளது.
விக்ரம் பிரபு சமீபத்தில் பாயும் ஒளி நீ எனக்கு இந்த திரைப்படத்தில் நடித்திருந்தார். இந்த படத்தில் இவருடன் இணைந்து வாணி போஜன், தனஜெயன் உள்ளிட்டோர் முக்கிய கதாபாத்திரத்தில் நடித்திருந்தனர். ஆக்சன் திரில்லர் கதைகளத்தில் உருவான இந்த படம் கடந்த ஜூன் 23ஆம் தேதி வெளியாகி கலவையான விமர்சனங்களை பெற்றது.
அதேசமயம் விக்ரம் பிரபு ‘இறுகப்பற்று’ எனும் திரைப்படத்தில் நடித்துள்ளார். இந்த படத்தில் விக்ரம் பிரபு உடன் இணைந்து விதார்த் முக்கிய கதாபாத்திரத்தில் நடித்துள்ளார். மேலும் ஷ்ரதா ஸ்ரீநாத், ஸ்ரீ, அபர்னதி உள்ளிட்டோர் படத்தில் நடித்துள்ளனர். இதனை அறிமுகம் இயக்குனர் யுவராஜ் தயாளன் எழுதி இயக்கியுள்ளார். பொட்டன்ஷியல் ஸ்டுடியோஸ் நிறுவனம் படத்தை தயாரித்திருக்கிறது.
இந்த படம் விரைவில் வெளியாக இருக்கிறது. இந்நிலையில் இறுகப்பற்று படத்தின் ஃபர்ஸ்ட் லுக் வருகின்ற ஜூலை 31ஆம் தேதி மாலை 5 மணி அளவில் வெளியாக உள்ளது என்று படக்குழுவினர் போஸ்டர் ஒன்றை வெளியிட்டு அறிவித்துள்ளனர்.